La luna nova ncopp' a lu mare stenne na fascia d' argiento fino; dint' a la varca nu marenare quase s' addorme c' 'a rezza nzino... Nun durmì, scétete, oi marenà, votta sta rezza, penza a vucà! Dorme e suspira stu marenare, se sta sunnanno la nnammurata... Zitto e cuieto se sta lu mare, pure la luna se nc' è ncantata... Luna d'argiento, lass' 'o sunnà, vaselo nfronte, nun 'o scetà... Comme a stu suonno de marenare tu duorme, Napule, viat' a tte! Duorme, ma nzuonno lacreme amare tu chiagne, Napule!... Scétete, sce!... Puozze na vota resuscità!... Scétete, scétete, Napule, Na!...
Salvatore di Giacomo
La luna nova ncopp' a lu mare stenne na fascia d' argiento fino; dint' a la varca nu marenare quase s' addorme c' 'a rezza nzino... Nun durmì, scétete, oi marenà, votta sta rezza, penza a vucà! Dorme e suspira stu marenare, se sta sunnanno la nnammurata... Zitto e cuieto se sta lu mare, pure la luna se nc' è ncantata... Luna d'argiento, lass' 'o sunnà, vaselo nfronte, nun 'o scetà... Comme a stu suonno de marenare tu duorme, Napule, viat' a tte! Duorme, ma nzuonno lacreme amare tu chiagne, Napule!... Scétete, sce!... Puozze na vota resuscità!... Scétete, scétete, Napule, Na!...