Creato da andrologia1 il 07/11/2010
"Serrenti" di Mario
SERRENTI: personaggi, "storie", nostalgie, pensieri e...
Creato da andrologia1 il 07/11/2010
"Serrenti" di Mario
SERRENTI: personaggi, "storie", nostalgie, pensieri e... | « Serrenti di Mario Tallor... | TZIU GIUANNI (peis trotu... » |
Post n°4 pubblicato il 08 Novembre 2010 da andrologia1
Su cuaddu de monti crastu
("de Anna Trutiri")
Candu fia piciocheddu, de is setti ai noi annus, su domigu a merì andà, cuntentu e prexau, cun is amigus de bixinau, Efisiu e Francescu Sanna, Luigi Talloru, Mauriliu Fenu, Manueli Pibiri, Francescu Corona e atrus, a giogai a is arrocas de monti crastu, tra cucurus domus e s'arriu de Santa Vida.
S'arroca prus manna, prus bella e prus arta fiada su cuaddu (di naranta "de Anna Trutiri"), su logu prus legiu su "tunnel", ingiassu asutta de is pedras chi a nosu poniada timoria meda poita fiada strintu, scuriosu e, secundu mei, perigulosu).
Passaiaus, una borta unu, una borta s’atru, oras e oras asuba de su cuaddu e de ingui biaiaus fintzas a monti mannu e prus atesu ancora.
Sigumenti meda bortas tirat bentu estu fotti, a nosu pariada di essi in cursa in su mari de is trigus o bobendu impari cun su storittu o is carrogas.
D-ònnia tanti su cuaddu si ndi pesada a marradas e nosu ... a terra, arrumbuendu e tzerriendu cumenti a macus.
Intzandus si castiaiaus apari e su prus atriviu atziada asuba de su cuaddu, tzerriendu a forti, e cun d'una pètia, longa e corriatza, d'arropada po du podi domai.
Chi si pariada capassu si buscada unu tzacarramanu e fueddus bonus, ma si no s'iada cumbintu po penitentzia depiada passai in su tunnel.
In benau, de asuba is arrocas, si prasciada a castiai cussu chi fadianta is isposus sterrius in mesu a su trigu artu (chi, apustis, fiada basciu e totu crocau).
De meda tempus oramai su cuaddu e is atras arrocas non ci funti prusu, poita cun d'unu frantoiu nd'ianta fatu "ghiainu e dinai" e in cussu logu stimau una forada anti lassau.
Sentza itzerrius, alligria e arrisu su logu tristu anti lassau (po unu pagheddu de dinai monti crastu anti crastau) e de intzandus, de is pedras ispollau, monti crastu de is piciocheddus est abbandonau.
 |
Sa forada abarrada e, in basciu, s'apogiu de su frantoiu in ciumentu armau. |
 Condividi e segnala -
permalink
- Segnala abuso |
https://blog.libero.it/serrentimario/trackback.php?msg=9484077
I blog che hanno inviato un Trackback a questo messaggio:
Nessun Trackback
Commenti al Post:
Nessun Commento
