A Su Tempus Di Rosina Cossu

Tempus prite non ti cheres frimmare? Mill’e più cosas ti cherzo dimandare. Nara tempus prite non l’has nadu chi sa vida m’haias cambiadu.                                                              Este fagher tou sa zente ingannare                                                   e ti mustras bonu e generosu.                                                        Pagos l’ischini chi non ses piedosu                                                              e crene chi pro sempre hat a durare.   “Como ses creschida cara pizzinna. Una rosa giughes ancora in manu, bella est sa cara, su corpu sanu, ca si paret chi ses de bona linna”                                                                          Nada sutta una istella generosa,                                                                        ancora non mas lassadu signos                                                                        ma timo ch’isvanessan sos carignos                                                                        e ida isfozzire cussa rosa.   Frimma tempus unu momentu e bia. Pasa sa cursa de sos affannos. Sighende ti so da medas annos Ma oe aisculta sa hoghe mia.                                              Tempus arregiona unpare a mie.                                               Troppu inzertu est s’andare meu                                               A bortas mi das penas o recreu,                                         torrami de nou a cuddas die.                                                                          So su tempus e non poto frimmare.Gosa de custa gioventura.Pro sa eztesa non istes in tristura,prega deus de bi poter arrivare.