Anonimo il 06/04/07 alle 16:04 via WEB
Elle tant’ira ‘e deus, sas patatas in conca puru bi cheriana. Comente noll’istana ene in cussa conca ispilida chi paridi sa piatta ‘e cadreas. E razza de pessona impoltante oh. Como chi ada faeddadu in rai tre e chie lu battagliada piusu cun cussa prosopopea. Ma no l’ischidi chi sa idda no este in chilca sua?.....No’, no’ ma it’este iscrinne…..ba, ba mi accollu su sulvile mi, no cherede a bi lu toccare a battista, ei è, sa conca pista chi giuttese. Si fidi istada ia sa mama già bi las aiada dadas duas iscattuladas bene sestadas…..alla finire este no’, chi ada faeddadu solu po Titti…. mi, allu idides, solu sas criaduras lu difennene. Sa mama già fidi una santa femina, no isse. Deo b’appo faeddadu e de su fizzu naraiada: no este malu, ma canno l’afferrada sa maniga e sa saltaina……Mama mia la connoschiada ‘ene, amigas fini e mi l’ada sempre nadu: femina sabia, su pane comente lu faghiada issa no lu faghiada nisciun’attere, pulidu e bene cumassadu. E poi sempre in cancaros suos istaiada. Canno essiana dae missa ‘e chitto si frimmaiana a chistionare in mesu ‘e carrela. Marià’ isculta chi ti devo narrere una cosa. Mancu nadu gai, in sas domos de vicinu cominzaiada a s’intennere tazzas segadas e cadreas istriscennne. Gia el beru chi mama fidi mesu sulda e alziaiada sa oghe; n’aiada aju cudda a li narrere pianu pianu sas cosas, ca sa mia li risponniada: alzia sa oghe Marià chi no ti sese mancu cunfessenne! E tottu su chi si naraiana l’intenniana sas cottuladas, addasegus de sa persiana. E brullista puru fidi, no solu sulda. Una die, poi chi aiada pioppidu meda, ch’annada a acciappare s’amiga. Ambas duas bi teniana sos matessis fraigamuros. E cun cussa manu sempre in conca, comente chi bi tenzerada puntadu su sole die e notte, li faghede: Marià, ludu ne tenimos in domo, però sa tua gia este piusu luminosa de sa mia, bae bae a tie ti sunu trattenne mezus cussos mandrones. E all’ischides ite fi’ tottu custa lughe: ancora no aiana ettadu boveda e ne fattu cobeltura.
Torrente a su sulvile, dies faghede annaida tottu toltu, a zig-zag. Pensaia chi istaida male, e invece fidi istrocchinne. Ca no resessiada a cumprennere cussu chi aiada iscrittu in su blog contra a sa littera de sa nuova. Ada chelfidu torrare a leggere sa littera de dominiga. Su giornale si lada postu in tottu sas maneras: in altu, in basciu, toltu. E assa fine a fattu solu: bo, bo. Sa die poi mi faghede: no’ a mannesa chelzo ponnere una buttega e berritas. Este chi fia pulinne si nono cun su palittone bil’aia ammoddigada sa conca. Ancora no ischidi chi mancari ch’appada chentu concas sos chi si ponene s’insoro berritta sunu pagos. Sos atteros si la passana pari pari. Canno m’ada idu abbolottada ada cambiadu buttega: de ispijittos no’ mi la ponzo. E tanno pius calma l’appo rispostu: de ispijittos gianne selvini a tottu, però devese ischire chi appena alanzasa unu soddu, ne iese de buttegas de ispijittos naschinne, peus de su cugumeddu. Bae e ponedi a istudiare chi este mezus, poi iese ite faghere, si no ti che cherese acciappare cun sas mudannas in manu. Ma, e so nenne a bois, ma canno la faghides custa manifestazione po Titti? Bonas pascas. Sa furraja.
(Rispondi)
|
Inviato da: frickpeace
il 07/06/2007 alle 23:11
Inviato da: NeVerLiKeMe
il 07/06/2007 alle 20:12
Inviato da: NeVerLiKeMe
il 07/06/2007 alle 17:22
Inviato da: Anonimo
il 07/06/2007 alle 16:47
Inviato da: Anonimo
il 07/06/2007 alle 16:24