OL TNÖF

BUON COMPLEANNO ORSO BALUMBA

Ciao scec, pemettetemi solo 2 parole prima di leggere un'altra emozionante avventura dei nostri soci.
Dobbiamo innanzitutto fare un grande saluto all'orso balumba che ha compiuto gli anni ed ha festeggiato con una bella mangiata (e secondo me lè indac anche a töla...). La storia che leggerete è veramente bella e non dovete assolutamente perdervela, anche se vi sembrerà un pò lunga merita di dedicare qualche minuto della vostra esistenza. Vedrete che saranno spesi bene...

L’orso balumba al fà gli agn alura lè indac in banca e la tirat giò 2800€. Sto orso gli a ülit tocc da des euro, ma che loc al ga gnac ol portafoi! Va bè li stà lè mezzura e gli a mett tocc in dela scarsela. Dopo al ciapa sö ol tratur con sö öna bota de grapa e via al fà ol gir a catà sö gli otre animai!

Gonzo ol gorilla al va söl portec, al ciapa amò la sò motosega, al la impia e senza ardà al salta sö al volo söl tratur, el ghe ria ma al se taia vià ol marmelù del pè. Va bè lü al ghe na gnac per i bale e al ghe dà sö öna nastrada e via al se taca ala bota dela grapa. Al bif e al gregna e lè samò apost! I met sö un’otra bota amò e via i parte tocc.

I ga de inda in Val Trobia a maià ma so mia se i ria sö! Ades gli è riac a cà mè a töm. Indò pò a me però ghe öl un’otra bota! Va bè an carga sta bota e ades con me an sà al completo.

Via an parte a biff e a cantà e a rudulà de che e de là. Va bè dopo un’ura an ria a sto ristorant ma apena i ghe et a noter a salta giò dal tratur i se stremes e i völ mia faga  in da det e i sera fò ma lur i sa mia che noter an sa macc.

An fenes fò töta la grapa po an parte a maneta col tratur a spaca giò l’entrada e an se senta giò!

Gonzo ol gorilla al và in cüsina a taià ol pulpetù con la motosega e chel che al và in tera la maia ol gat mat. I camerier i cumenza a purtaga de maià ma gli è ün po stremic alura la mucca lilla gi a regont là in dü cantù e la ghe fà biff 2 liter de grapa a testa sce ades an sa tocc fò de cò!

Sti camerer i capes piö negot  alura an parte tocc insema, an ciapa ol tratur e an taca a girà in del lucal, che laur! Me spaca sö töt e an capes mia! An gregna come mac! Dopo ün po an vò de fò e an se senta giò a vardà det e an vet sto lucal töt rot e an sigöta a gregnà tanto al paga l’orso balumba che a folsura la perdit poa i solc perché al ghera i scarsele büse!

Alura a sto punto al lea in pè ol padrù del post cioc stenc, al pensa sö cosa fà, al varda ol lucal e al biff sö ü liter de grapa ala gota, al föma sö des canù e al decit de fa incendià ol ristorant scè al ciapa i solc dela asicuraziù!

Gli animai i stà pio in de pel e i và a cumprà 486 liter de benzina e via i la bat sö de pertöt, po söi tegole del tec e i se sluntana tocc, però toca l’orso balumba a impià det perché al fà gli agn e alura al fa sö öna balena de carta e al ghe impìa det e via al la lancia det in del lucal. Figa che fiame, oter che incendio! I và sö des meter!

Finit de brüsà an maia la turta tocc insema e an ghe fa gli auguri a l’orso balumba che l’ha dic che l’ha mai fac ü compleanno sce, lè töt cuntet! Al crede po me, ü compleanno sce capita rare olte.

Pota però ades ma maiat e biit töt alura an salüda tocc e an salta sö söl tratur e via sö a maneta in discesa senza frenà con ol pis de ste animai bei piè. Sto tratur al vegnerà giò a 180 alura, che indà! Gò ün po’ de pura ma an sa riac a cà tocc intrec e an salta giò da sto tratur e an ghe ria piö gna a stà in pè!

An và a cà me e me impea ol camì e an fa indà do boröle e an biff ün po’ de ì e via an se böta giò a dürmè tocc insema…