OL TNÖF

GONZO GORILLA E LA LEGNA

Gonzo il gorilla la cumprat la motosega e via lè partit in del bosc con la mucca lilla che la porta ol maià e la benzina. Ogni tot la ghe dà ü fiat ma fa negot! Ol cavrù senza cua la purtat sö ol caret de bat det la legna. Via al parte ol gonzo gorilla e la prima pianta che al taia la ghe ria drecia söl zücot! Che loc, che loc e che bota. Me pense che l’abbia capida de sta mia lè sota a ardaga quando la traca la pianta. Va bè, via i parte amò la mucca lilla e ol cavrù senza cua e i biff sö un po de benzina e i se mett al sicür! Via traca la segonda pianta ma staolta ol gonzo gorilla al la schiada però lè finida söl caretì e lè indac in mela toc! Ol cavrù senza cua lè restat senza caretì e al se incasa, al biff fò töta la benzina sce ol gonzo gorilla al taia piö negot. Lo semper dec me che al sabat lè mei sta a cà!

Va bè i ciama la mucca lilla, i maia e dopo i liga i dò piante söla schena del gonzo gorilla e i ghe la fà tirà a cà sce al vè asegn! Sto gonzo gorilla al ria a cà strac mort töt südat, al ciapa la motosega al la bat sö söl portec e al dis: “Vada via ol cül pò la legna” e al se böta giò a dürmè in mezza al rüt. Pota sarà stac pò stof ma lè prope ü loc a dürmè in del rüt! Ol cavrù senza cua e la mucca lilla i la laga lè, i ciapa la legna e i và in cà a impià ol camì e i fà dò boröle e via i se cascia giò in del lecc a dürmè al culdì!  Gonzo gorilla lè restat là de fò al frec in mezza al rüt. Va bè se ölet faga quando ü lè loc lè loc!!!