OL TNÖF

ÖNA BELA SPREMUTA FRESCA

Ol gat mat e la poia spenada gli è indac dal frütaröl a biff öna spremuta ma chellà al ghe dà ses casete de arans e gli a manda vià. Alura i và a cà ma gli è mia tat contec perché i gà negot de schisà sti arans, però al gat mat ghe e öna idea: al met tocc gli arans in de asca e per schisai al ciama ol ciunì senza pè. Però ol problema ades lè come fà a indà det sto ciunì senza pè; lü al rudùla ma al ghe ria mia a indà det in de asca e alura la poia spenada la và de corsa a ciamà ol gonzo gorilla che lè ü loc ma la forza al ghe là. Sto gonzo gorilla al ciapa sö la bici e al parte per la cà del gat mat ma a metà strada sta bici lè töta sguarada. Pota con chel chel pisa al crede! Lè mia ü loc per negot! Va bè ala fì al rìa là de corsa, al và sö in bagn, al ciapa sto ciunì senza pè e al la bat det inde asca.

Sto ciunì al taca a rudulà a maneta quase come öna laatrisa. Insoma piö o meno dopo mezz’ura ila tira fò, i ciapa öna ascheta e ol colapasta e scè finalmet i ghe ria a biff la spremuta…