L'ammore... l'ammore chi è?... E' 'nu signore travestuto 'e gentilezze e poesia, vase, abbracce e gelusia. Quante aspette po' piglia'!Se presenta comme uno serio, onesto, cunsistente e te 'nganna a tanta ggente, quanta ggente fa cade'!'Nchiude ll'uocchie e t'abbandune dinto 'e braccia 'e stu signore e lle daje aneme e core tutto chello ch'isso vo'.Te lusinga? E tu nce cride.Te fa chiagnere?... O perduone; e perduone tutte cose, pure 'e spine 'e chesti rrose si sti spine rose so'.Te ribbielle? E comme faie?Oramai nun si cchiù nniente, chi cumanna è stu signore ca trasenno dinto 'o core travestuto 'e poesia t'ha addurmuto, t'ha ncantato.S'a pigliato tutto chello c'ha vulutotutto chello che ll' e dato: pace, suonno e giuventù.Spisso capíta ca'e vvote tu te cride ch'è sincero, chist' ammore travestuto c'o vestito 'e nu poeta, tutt'insieme s'è spugliato, stu poeta 'e gentilezze s'è scurdato 'a poesia t' a rimasto n' amarezza nfunno 'a ll'anema ind'o core......Che vvuo' fa', chisto è ll'ammore.