Photos & Dreams
If a day goes by without my doing something related to photography, it's as though I've neglected something essential to my existence, as though I had forgotten to wake up - Richard Avedon
« Affacciati al mondo, oss... | Messaggio #438 » |
Striscia" la sera
e "kala" la friscura
all’ure quando l’umbre
s’ù funde de paura.
Me movu intru la notte,
circospetta
Ca sempre qualche
"mbròju" sta me spetta.
S’ù malelingue
Le corne seculari!
Paura primordiale,
peccatu originale!
Cleopatra ca me mise
sullu piettu e
l’alberu ca siccu
pe dispiettu!
Hommu mpara
iu suntu la sacara:
lu morsu ’nvelenatu.
Causa de lu peccatu.
Lu latte de la donna.
Me stompa la Madonna.
Petre… le petre
me sannu ’ncarizzare.
Su scrasce e spine mare
me cangiu la camisa.
La lingua biforcuta
me serve pe ’ndorare.
Lu cròcchiu sulla cuta
Me face ’rrestu ’mpisa.
Lu latte de la donna?
S’ù innocente!!!
Me stompa la Madonna?
S’ù innocente!!!
E strisciu
Ca li pieti no li tegnu:
ca se tenia doi ali pe
sostegnu
potìa certu volare
s’ù n’alitu de vientu
cu visciu se lu mare
è bellu comu sentu!
AREA PERSONALE
CONTATTA L'AUTORE
Nickname: WHITESHARK01
|
|
Sesso: M Età: 48 Prov: EE |