Micu – I –

“ Ti senti male, allura, Micu, assai?”-
“ O Rosa mia, haju ‘na carcara!”-
“ Non veni vasciu?” – “ Mannaja li guai!
“Tu non mi cridi? Oh, sorte mia amara!”-
“ Non voi u veni? Io vaju; è tardu ormai” –
Non avìa Rosa arrivatu a’ hjumara,
ca Micu s’aza e canta: – “ O Rosa, vai!”-
Apre u casciuni, sciogghje ‘a ligara

da’ cirma duve tènenu ‘a suriaca,
‘nda linchjie nu stuppedhu, e curre lestu
alla cantina. – “ Cummare, divaca,
e pagami nu prezzu prontu e onestu!”-
E ‘mbive e mangia, e canticchja , e si ‘mbriaca.
‘Nchjana la frevi a sira. –“ Oh, Rosa, prestu!”-