ChioggiaTv

Boge agosto, gnente indosso,mugere mia nò te conosso.A la Madona de agosto se rinfresca el bosco.Chi magna xa l'uva in agosto, no riva a ottobre a bevar el mosto
Col sol de agosto el graspo fa bon mosto.Chi zape la vigna de agosto, impenisse la caneva de mosto.Per la Madonna de agosto se rinfresca mar e bosco.
De agosto cura la cusina, de settembre la cantina.L'acqua del 24 agosto rovina oio e mosto. Beh, speriamo proprio che la pioggia non ci sia il 24! Si, fa caldo, ok ma personalmente mi auguro che se deve piovere accada di notte, in modo lieve e tranquillo. Sia io che Gina amiamo l'Estate, stare all'aperto, mangiare e bere stando con gli amici. Anche d'Inverno si stà con gli amici, è vero ma diventiamo tutti più chiusi, ci rintaniamo di corsa nelle nostre case e ci lamentiamo del freddo, i locali sono pieni e non troviamo posti a sedere, nella satagione calda invece, qualsiasi scalino o "muretta" diventa una stazione di ritrovo e dialogo. Che bello a Ferragosto vedere tutti con il naso all'insù, tutti speranzosi, pieni di buoni propositi come a Capodanno. Gina dice : "-I dì xè come na giostra quando che la gire perchè i passe velocie indrio no i torne mai"
Con questa massima vi auguro una buona settimana,ah Pesciolini...siete voi il segno più fortunato!

ARIETE

Mama che agitasiòn! Se avè ripreso a lavorare no stè a sentirve robocop,se sè in ferie andeghe pian!

L' AMORE NO XÉ BELO SE NA XÉ LITIGARELO

TORO

O..alora grintosi e tendenti all incasà,guai a chi che ve mete i bastoni tra le riode! GUAI A CHI CHE VE TOCHE CIÒ!

XEMEI

I xemei xè latin lover incalìì,però queteve un atimo,anca se sè tornai a lavorare! CALMA ,NO RUOTE TUTO INTORNO A VOIALTRI E XÉ ANCA MEJO,PENSEGHE!

CANCARO

Cambiamenti in atto,novi incontri,nove proposte,cambiamenti insoma.

IN CASO DE SPOSTAMENTI OCIO ALA VELOCITÀ!

LEON

Ecco che ve centelinè e ve gustè i ragi del sole,le albe,le onde,la salsedine, sè un fià malinconici ma speransosi.

OCIO IN STRADA E A TOLA CON LE INDIGESTIÒN!

VERGINE

Pì serenità e manco stress,anca se savè che la tensiòn se sconde dadrìo a un angolo. CURÈ LO SPIRITO E EL FISICO CO MASSAGI E ESSENSE

BILANSA

Bone possibilità per stringere raporti che podarà deventare duraturi e de fiducia.

SE TORNÈ AL LAVORO CIAPÈ TUTO CO I GUANTI,EHM GUANTONI!

SCORPION

Cossa xè ultimo tango a parigi o nove setimane e mexo per voialtri?Sè un fuoco d' artificio de quei looonghi.

AVÈ MONDO DE FIÀ E FORSA!

SAGITARIO

Che bela flemma che avè,che riflessiòn sula vita e la fiducia che se che fè,bravi!

STA VOSTRA ENERGIA XÈ UN TOCASANA PER I VOSTRI CARI,CONTINUÈ!

CAPRICORNO

Bolete,tasse,tuto che cresse,sì,avè raxòn,ma semo tuti nela stessa barca.

DAI  FEVE NA GITARELA,NA CAMINÀ SENSA ASPETATIVE E VEDARE'!

ACQUARIO

Splendenti e careghi,in viagio ve la godè,al lavoro li sepelì tuti col soriso!

PODARESSI FARE I GURU CO XE'  ISTÀ!

PESSI

Tanta serenità e forsa d' anemo,se coragiosi e da tore come modelo.

EL VOSTRO CUORE XÉ GRANDE, L' AMORE PER I SINGLE XÈ VISSÌN VISSÌN

foto by Ruggero Donaggio

                                                                        Elisabetta Donaggio