Tratto da "Strolacamenti de tre vecchiareddhi"
LA MUJERE MUTU BEDDHA
C – E a st'ura ne scià curcamu? Ci v'a criati.
A – E ci te l'ane ditta a tie, ca n'imu scire ccurcare moi?
C – Te ne si ssutu de lu barra ca me parivi na sciuscitta, cci te tene sonnu?
A – Sta scattava pe lu cautu.
B – Vuliti cu sciamu a la villa, comu a lli chiempi de quannu erene carusi?
A - Quannu erene carusi! Ma moi, nu putimu mancu caminare de unita cu tutte le machine ca passene a rriscu cu ne scaffene sutta. Tannu ne ccujivene a ronne, erene li patruni de la via, ca nu passava ciuveddhi a quiddh'ura e fazza Diu!
C - Pocca! Cci nuttate! Caminavene a lentu pede fenca a la stuccata de lu Saccursu e a fiate puru cchiu nnanzi, fenca a Spisciani. Erene tutti cagnulastri ca, spicciate le scole, nu tanivene nenzi de fare e putivene durmire, a lu crammane, fenca a tardu. Quannu unu ntunava na canzune, ci l'a criatu, l'avitri tutti de paru se ccucchiavene e cantavene cu tuttu lu fiatu ca tanivene a ncorpu.
B - Quannu me ricordu, me vene cu me nnuducu! Nu tanivene nenzi, eppuru erene cuttenti ca tanivene, ci picchi e ci mute, le mire a lu nanzibanire.
A - Llassamu stare, va! Però tannu ne bastava picchi, a fiate puru le cose de Diu ne facivene squariare, ca cu nu Rusariu de quinnici poste, dittu de la mammaranne mia, menza mmasunata, se passava la sira sana sana e fazza Diu.
B - (Rivolto a C) Nc'era puru fravata lu Pippi, tannu cu nui, poi se ne sciu de cquai e nunn'è turnatu cchiui. A dhu stane moi?
C – De pricisu nu lu sacciu, me pare ca stane a la Sguizzara ca se nzurò cu una de dhe vanne, straniera, puru iddha.
A - Pocca, se ne sciu tannu e nu binne cchiui, mancu quannu morse sirda, bunattanima. Se ne ncorse puru mujerama ca nu lu vitte a lu ccumpagnamentu e mancu a lu visitu.
C - Se ne sciu stizzatu, ci l'a criatu, ca vulia le cisure nnanziparte e sirma nu bose cu lli descia nenzi, ca tania mie a casa, ca scia ncora a la scola. Li disse, paru paru: “fenca su biu jeu nu do nenzi a ciuveddhi, ca ci dane prima cu mmore è fessa prima cu nasce”.
A - Cu giusta ragione, tania ncora famija de mmantanire e fazza Diu.
B – Iddhu, cu dhe picca scole ca ìa fatte, nu bulia cu se sciunce a la terra e de cchiui cchiui cu fatica sutta a lu cumannu de sirda, ca, dittu ntra nui, nunn'era tantu tènnuru. Fràvata vulia cu eggia libburu e cu crisce de sulu. Tania mire cchiu ranni, cca cu fazza lu furese e se ne sciu a la ventura. Cusì sirda nu lli dese nenzi tannu e mancu dopu, me pare!
C – Ca se se n'era sciutu, nu scrivia mai e nu ssapivene mancu a dhu stava e comu facivene cu lu truvamu e cu lu purtamu a nnanzi a lu nutaru?
A – Pareddhu! Me pare ca nunn'ane uta muta furtuna, dhu frate tou!
B – Puru mammata, pareddha ne suffriu mutu, pe dhu fiu!
C – Pe' dittu, pare ca ìa truvata na beddha mujere, sulu ca dopu picca ca s'era nzuratu, era cusì beddha ca se la futtiu lu patrunu a dhu faticava.
B – E' ccappatu comu l'Abramu quannu, pe la caristia, cu squaria la fame, pareddhu, se ne sciu a l'Egittu e se purtò a rretu rretu la beddha mujere, la Sara. Era cusi beddha ca, mprima mprima se sparse la uce e quannu rrivò a la ricchia de lu Faraone, issu vose cu la viscia e li dese denzia a lu palazzu. L'Abramu, se la vitte brutta de veru tannu, ca percé lu Faraone, pe legge, se la putia pijare sulu ci era vagnona o cattia. E cusì, l'Abramu, pe paura cunussia lu ccidivene, facennu ddavantare cattia la Sara, nu disse ca era lu maritu, ma lu frate sou. Lu Faraone, llora, li purmise ranu, pequere e vacche a mijara, ma quannu se la curcò e se ncorse ca nunn'era de primu pilu, l'Abramu ttuccò cu se sprova ca era lu maritu e nu lu frate. Nu be dicu, comu se ncazzò de bruttu lu faraone e ne li cacciò tuttidoi a malepalore e pe furtuna ca nu lu ccise. L'Abramu, cusine, rrimase vattutu curnutu e cacciatu a cavici nculu.
A - Però l'Abramu, pareddhu, cc' ìa pututu fare? Ca ci ìa dittu mprima mprima ca era lu maritu, è capace ca l'ivene ccisu e g'era statu pesciu, no?
C - Ma quannu lu Faraone l'ia prumisu lu bene de Diu, l'Abramu e ccomu ìa perti l'occhi, ci l'a criatu, cci se ne futtia ca li futtivene la mujere!
A - Scustumatu! L'ì vinne bona, a l'Abramu e a la Sara, percé istu era lu vulere de Diu e fazza Diu!
![]()
![]()
Condividi e segnala 
