occhiodivolpe

'o rilorgio

- uè ch' ora è ? - .. - mo songo 'e ttré -
accussì dint' 'a jurnata
ccà pe' ddinto 'o vico 'a ggente
addimanna ciento vote

a Tanino 'o spartarecchie :
pecché isso arrassosia
andivina sempe ll' ora
fosse 'e juorno o int' 'a nuttata ...

tu lle faje 'e cumplimente ,
tu mmiriùso po' le dice :
- nè cumpà ma comme faje ?
'ncarre sempe ll' ora justa ? -

isso fa 'na vocca tanta :
- cumparié che ce vuò fà ,
è 'o rilorgio int' 'e ccervella
fà ttìttàcche 'mmiezo 'e rrecchie ;

pare niente ma faje ' e ccose
ca 'o tiempo comme passa
pare sì ca nun t' adduòne
pure conta , e 'o ssaje bbuono -

jammo belle , alleramente
ce spassammo cu' Tanino
ch' è 'nu poco  sfurtunato :
conta 'o tiempo ch è passato ...
...