Di tutto un po'

Primo episodio..... Alora, considerada la vetusta età (mamamia come che parlo ben!) gò qualche problemìn a rebaltarme sul leto (leggasi talamo, giaciglio, letto possibilmente a due piazze) vista la situassìòn de i mè ossi..... Savarè tuti che a Venessia l'umido no manca mai  tanto che 'na volta, per farLo col Nane, gò dovùo spalar seciade de aqua de mar da la camera da leto, par finìr a farlo po' in sofita ...e lì xè stà un spetacolo.....El Nane gera tuto ecità.... ......"Daiiii!!! Faxemolo stràn anca nualtriiii!!!!!....e mi: "Toni nooo che te se ribalti zò da la trave! Vien zò de là che te se incrica tuta la schiena! E dopo chi te porta al San Giovani e Paolo?" (leggasi Ospedale Maggiore di Venessia)....." Imaginete la figura co' i pompieri! Nudo come Tarzan stirà sul pavimento e mi come Cita che me dispero e me grato la testa par trovar na solussion?!?!?!?.....

Insoma lo gò convinto a farlo come Dio comanda....e patapìm, patapum e patapam.....e daghela de su, e daghela de zò, "Girate de là, no girate par de qua, vien suuu, nooo vien zòòò, eco, cussì.....te me fa i sgrissoliiii.....sposta la gamba, metilo là...nooo la nooooo....quel xè el buso del sfiato de la stùa a carbòn!.....Nane svegiaaaa! Miga poso star impalada per meza ora co na benda nera su i oci mentre te serchi i ociài parchè no te ghe vedi lontan un remo!.....

Nane vegnoooo......Nane vegno zooooo.... CascoooooOooOOooOOOooooo......"

SbadabammMMmMMmmmm (caduta rovinosa a tera dei dò poàreti  )

Insoma semo finìì tuti e dò al San Giovani e Paolo dopo che el vissin, el ragionier Filippini,  comòso da i pianti de la sotoscrita, el xè rivà a butar sò la porta de casa e per carità divina no'l xè sciopà a rider de cuor davanti a la scena..... Se gavemo coverto con un vecio telòn de barca e via, al Pronto Socorso.....

Xè anca vera na cossa però .... el reparto de Ortopedìa no 'l gà mai ridesto tanto come quel zorno ....Noi un poco meno  

Da quel zorno el Nane stà ben atento al boletin de l'aqua alta e mi controlo che no ghe sìa in giro ostacoli in camera da leto , fasso ginastica e alèno la schiena e le gambe .....parchè a la nostra modesta età ancora conossemo passion, amor e vogia de volerse ben!.....