Utopia o Realtà

‘Ammore’

Amore…è sulo ‘na parola,

ma ‘a  gente  c’è  da’ assaje  valore…

Pecchè  nà  parola  ‘ca  tene  sulo  cinche  lettere,

‘a  gente  ‘a  fa’  accussì  vinciuta?

Ogni  perzona s’ enchie  ‘a  vocca,

eppure  essa  è  piccerella;

Amore mio,Ti amo,Amoruccio,Amore,

comme  ‘a  dice  dice

pare  ‘ca  staje  facenno  ‘nu discorzo……

Pecchè  è  accussì  ‘mpurtante?

Pecchè  accummencia  ca’  ‘A’,

‘ca  è  ‘a  primma  lettera  ‘e  l’alfabeto!

Sissignore, va  ‘bbuono…

ma  ‘mmore’, che  gghje  ‘mmore’…

Senza  chella ‘A’ nun  è  nisciuno!…

Eppure  ‘a  sta’  piccerella ,

si  ‘a  vesta  bbona,te  aiza  ‘ncielo,

 te  fa  ò  friccicariello,te  fa sentì ‘nu  rre’;

Ma  sì  ‘a  vesta  scura, t’accide,

te  fa  sentì  dulore ,’ca  parte  ‘ddo  stommaco,

arriva  ò  cerviello  passanno   po’ core !

Ma  nun  è  ‘nu  dulore  preciso,che  saccio  je ,

‘nu  male ‘e  capa,’nu  male ‘e  mola;

isso  è  ‘nu  dulore……..indefinito,va,

e  nun  c’è  stanno  manco  merecine…

Allora  che  malatia  è  chesta?

C’aggio  penzato  bbuono…

è ‘na  malatia  ‘ca  tene  sulo  ‘na  cura……

‘ L’ AMMORE ‘

by

Rosa