Creato da E_F_E_S_T_O il 29/11/2007

ARMONIA

Quando il mio martello smette di battere, tutto è compiuto.

 

 

« Messaggio #27Messaggio #29 »

Post N° 28

Post n°28 pubblicato il 11 Gennaio 2008 da E_F_E_S_T_O

 
 
 
 

 

 





Desierat: mediumque fuit breve tempus, et orsa
est dicere Leuconoe: vocem tenuere sorores.
'hunc quoque, siderea qui temperat omnia luce,
cepit amor Solem: Solis referemus amores.
primus adulterium Veneris cum Marte putatur
hic vidisse deus; videt hic deus omnia primus.
indoluit facto Iunonigenaeque marito
furta tori furtique locum monstravit, at illi
et mens et quod opus fabrilis dextra tenebat
excidit: extemplo graciles ex aere catenas
retiaque et laqueos, quae lumina fallere possent,
elimat. non illud opus tenuissima vincant
stamina, non summo quae pendet aranea tigno;
utque levis tactus momentaque parva sequantur,
efficit et lecto circumdata collocat arte.
ut venere torum coniunx et adulter in unum,
arte viri vinclisque nova ratione paratis
in mediis ambo deprensi amplexibus haerent.
Lemnius extemplo valvas patefecit eburnas
inmisitque deos; illi iacuere ligati
turpiter, atque aliquis de dis non tristibus optat
sic fieri turpis; superi risere, diuque
haec fuit in toto notissima fabula caelo.

La URL per il Trackback di questo messaggio è:
https://blog.libero.it/EFESTO/trackback.php?msg=3898025

I blog che hanno inviato un Trackback a questo messaggio:
Nessun trackback

 
Commenti al Post:
Nessun commento
 

ULTIME VISITE AL BLOG

facciamo_xxxxx_caldoriccia72barbarannbsoft_dreamgirone.dei.bannatihandsomeANDslimcuoredigeisha
 

AREA PERSONALE

 

FACEBOOK