« Alla scoperta delle nost... | Come scrivere in dialett... » |
Dalla raccolta "PESCHI e TERRARUSSA" Edizioni dell'Iride
LUNA RUFIANA (di GIANCARLO COLELLA)
Luna ca gdha susu vardi e senti
scinni ntra stu sciardinu lluminatu
chinu de chiante fiuri e de samenti
de tumu e de mentuccia profumatu.
Nfaccete a gdha finescia ca sta chiusa
agdhù nu trase mai filu de sole
ddiscita ci sta dorme gdha carusa
ca me face suffrire pe l'amore.
Nfaccete Nina mia ca ieu sto sutta
lassa durmire mamma sire e frate
pensa allu core meu ca sangu butta
pensa a st'ammore ca pe tie sta pate.
Oh! Luna ca ccumpagni i naviganti
cu nu li faci perdere la via
ccumpagna puru sti doi cori amanti
porteme fenca a qquai la zita mia.
Ccumpagneme chitarra a 'sta serata
fenca a cra mmane all'alba aggiu cantare
pe la Ninella mia sta serenata
cu la luna ca face de cummare.
Pe cinque giurni aggiu spettatu tie
anzi pe' precisione na samana
ma moi Ninella mia stai qquai cu mie
cu la luna ca face de rufiana.
FINE
Commento: "Sì fortunata Ninella!... Strincilu a mmanu moi ca si no spusce!...
|
AREA PERSONALE
TAG
CERCA IN QUESTO BLOG
MENU
ULTIMI COMMENTI
Inviato da: cassetta2
il 29/05/2023 alle 18:33
Inviato da: Mr.Loto
il 21/08/2020 alle 17:39
Inviato da: sciroccu
il 22/04/2020 alle 13:10
Inviato da: cassetta2
il 22/04/2020 alle 11:06
Inviato da: cassetta2
il 20/11/2019 alle 16:11