PRESICCESI NEL MONDO

STATI ALLEGRI E CUNTENTI

Da Recite e farse di E. Cazzato

9 - STATE ALLEGRI E CUNTENTI

Personaggi:
Don Giovanni,
Colono.

Presentazione:

State allegri e cuntenti,

ca su venuti li carnuvali,

stannu stritti de faletti,

picca è l’oiu e lu pane,

sta murimu de fame.

Feni a moi s’ha rusacatu

e cu fiche e cu cornuleddhe.

Moi nun c’è foie a fore, mancu paparina

e nemmenu farina a ddha lu Tore 

e ci vai addhuveddhi

o pe’orgiu o pe’ ranu,

o puramente pe’ turnisi,

tocca te rassegni

ci l’hai persi persi,

de casa tocca te n’essi.

Ci me chianciti lu carnevale!?

ca quannu voi lu poti fare,

chianciti lu (Ag) custinu

ca na fiata l’annu l’imu.

Colono:

Buongiorno don Giovanni, su’ venutu

cu me firmi ‘na cambiale.

Don Giovanni:

Cambiali?

Cci sai se sacciu scrivere?

E dopu… firme mai!

Cci voi cu la passi alla banca

e cu passu qualche guai?

Colono:

Pe’ dire la verità su venutu

ca tenia a sarchiare nu picca de ranu

e vulìa nu picca de iutu.

Don Giovanni:

Porta ca tè tre fie zite, 

ca certu l’hai pacare!

Colono:

Ieri purtai muierama

cu cumincia chianu chianu

e ne scappava tuttu lu ranu

e me lassava tuttu lu scioju,

ca me vania la vula cu la futtu‘ntra lu voiuru.

E allora dissi:

vabbanne a casa e cucina la pignata

ca pe’ do’(i) misi de macazzinu

tie cu sarchi t’hai scurdata.