PRESICCESI NEL MONDO

LI SPUNSALI

Da "Strolacamenti de tre vecchiareddhi"

LI SPUNZALI

B - Prima cu me ssuppu li musi ntra lu cafè, me diciti nu picca, a dhu ve ttocca ca ve visciu tuttidoi mmutati, cci siti de zita, osci?
A - Pocca! Osci simu tuttidoi de spunsali, cumminazione vole, ca jeu sto mparantatu de la vanna de la zita e issu de la vanna de lu zitu.
C - Eh pocca! Nu fiju de sorma se sposa cu na fija de fravasa. Vo' ssacci avutru?
B - None, me basta. Ma se sposene a la Cumune o ntra la Chesia?
A - Lu fessa ca sinti. Lu matrimoniu è nu Sacramentu e vale sulu ci vene fattu ntra la Chesia e fazza Diu!
C - Puru tie faci ccerte ddumanne, ci t'a criatu. E ccertu ca se sposene a ntra Chesia, percé tie a dhu t'ai spusatu?
B - Tannu, puru ca nu bulivi a dhai te tuccava, ma moi se ponnu puru spusare sulu a la Cumune, tantu lu cuntrattu vale lu stessu. Lu sapiti ca moi suntu cchiui chiri ca se nzurene a nnanzi a lu sinnucu cca chiri a nnanzi a lu prevete? Me crisciu ca de stu passu, avutru cca Sacramentu!
A - Statte cittu, vane. Certu ca a nnanzi a lu sinnucu vale lu stessu ma manca lu meju: la Benedizione e la Crazia de Diu su li ziti e su li fiji ca poi nascene.
C - Percé nu beni puru tie?
B - None mo, nu su statu mmitatu e poi cci me presentu cu li mani mmanu? Sciati vui, ca siti parenti de intra.
C - E vveni, ammenu a la chesia cusì vidi la zita.
A - Llassulu stare, mo trase a ntra chesia, na! Time cunussia li scarra a ncapu, se lu mmeritava cu li scarra ma me dispiace pe la chesia e fazza Diu!
B - Comu si bonu de core! Varda ca jeu nu mintu nenzi cu begnu deveru, tantu pe mie è comu quannu ca squariu a lu cinama.
C - Sta squarii de capu, ci t'a criatu! Mo tie cunfunni la chesia cu lu cinama.
A - Cci li dai spacu, a chiru scumunacatu! Tantu se sape ca s'ane mpattatu cu lu diavulu e nu c'è nuddha sparanza ca torna a rretu e fazza Diu!
B - Menumale ca annanzi vai tie! Ma dhu vai ca si rrimastu a chiempi de li nnantisciuti, raggioni comu nu tataranne scarufaterra e puru a la scola si sciutu ma me crisciu c'ai mparatu picca, cu dha capu ca teni.
C - Ci t'a criatu, dice bonu issu, tie cridi ncora ca l'ommu l'ane criatu Diu, quannu tutti, oramai, sapimu ca è statu lu canciamentu de le strappine ca n'ane fatti ddavantare ristiani comu simu moi.
A - Puru jeu aggiu studiatu e me crisciu puru ca li scenziati, a fiate, tennu raggione, ma lu Libbru Sacru è scrittu de Diu e Iddhu nu canna mai.
B - E pocca tie ddettavi e Iddhu scrivia e gnittantu ttuccava cu li llicchi lu labbisi cupiativu cu la lignua.
A - Castima, castima! Ci nu l'ane scrittu Iddhu de manu sua, pe certu è statu scrittu pe bula de lu Spiritu Santu, e g'è Diu c'ane criatu lu munnu ntra sei giurni e poi a lu settimu se ndrafascau.
B - Ci sape lu suduru! Ca ci era Nniputente nc'era bisognu cu se ndrafisca?
C - Llassulu stare lu pizzisantu, ca a fiate, ci l'a criatu, spatterra e cunta a schiòvere. Ncora nu bole cu li trase a ncapu ca na cosa è lu cuntu de la Bibbia e n'avatra cosa è comu nasciu lu munnu.
A - Puru tie te minti? Sarà ca dice bonu lu pruverbiu ca ci vane cu lu zoppu mprima mprima mpara a zoppacare.
C – Senti nu picca, ma tie deveru cridi ncora a la mila ca l'Eva dese a l'Adamu e iddhu fessa fessa se la manciò, facennu paccatu?
A - Nc'è scrittu cusine e me crisciu ca li ntichi se mmentara stu cuntu cusì li trasìa meju ntra la capu de li ristiani de tannu.
C - Ma lu paccatu rigginale de la carne, lu ficiara, però.
A - Cci dici mmenu! Nunn'è comu la penzi tie, lu paccatu rigginale foe la “disubbidienza” a Diu percé se manciara la mila de lu pede de la “canuscenza” e quannu Lu ntisara rrivare se ccucciara le vergogne cu le pampene.
B - E comu ficiara cu lu sentene rrivare ci era puru spiritu? Va bene ca tania già muti anni ma nunn'è ca strusciava li pedi nterra comu li vecchi.
C - Quante ne vai truvannu, puru tie, ci t'a criatu! Ma a mie nu me lu lleva ciuveddhi de capu ca lu paccatu era ca se friculara ntra de iddhi, ci l'a criati!
B - Me menzu ca tene raggione issu percé, ci nu tanivene ncora la “canuscenza” de lu bonu e de lu fiaccu, comu putivene fare paccatu? Sulu dopu ca ivene “rutta la pignata”, Diu ne li cacciò de lu Paradisu e li prufetizzò la dulore de partu, lu suduru de fatica e la morte. E ci l'Adamu e l'Eva nu ficiara dhu paccatu rigginale, cci bisognu tania Domineddiu cu mmanna lu Fiju sou su la facce de la terra e cu lu face murire a Ncroce, cu scancella a li ristiani lu paccatu ca nunn'era paccatu?
A - Pocca! Mo è rrivatu lu mesciu de religgione ca sape tuttu su lu Vecchiu e lu Novu testamentu! La Fede nci vole e fazza Diu!
C - Mmanisciamene ca si no rrivamu tardu e nu ne custamu mancu quannu la zita trase 'ntra la chesia.