M'hanno dato na cucozza bella, grossa e senza torza, ll'aggio avuta stammatina, è 'a cucozza d'Allouìna Steva 'nterra for''a porta, me parev''a capa 'e morta, nun capisco s''è scavata, o s'è tutta 'nfracetata? Ma che de' chesta scemenza? ma che stà 'a significà...? è dei Celtici 'a crerenza, io che tengo 'a festeggià! Ognissanti è chesta notte se festeggia... 'a gente morta, 'e fantasmi, 'e streghe, 'o male...! io nun credo ca è crestiano! Sto parlanno, e nu criaturo, bussa 'a porta dint'o scuro, "Se 'o dolcetto nun me dai, tanta guai tu passarraje!". Vide bbuono 'stu guaglione, ne rispetto, educazione... già ricatta 'a chesta età... nun è 'a festa d''a Buntà! Mentre faccio 'sti pensieri, muglierema s''a piglia, ll'ha pensato già da jere 'o finale (e nun se sbaglia!): ll'ha purtata dint'a cucina, ll'ha tagliata fina, fina, dint'a pasta cu 'a scamozza... chesta è 'a fine d''a cucozza! Alfonso Carola 08/10/2014 © 2014 by Peniel Software - Vernacolo Napoletano Evangelico | Mi hanno dato una zucca bella, grande e senza torso, l'ho avuta stamattina, è la zucca d'halloween. Stava a terra fuori la porta, mi sembrava un teschio, non capisco se è scavata appositamente oppure è marcia? Ma, poi, cos'è questa scemenza? che vuol dire? è dei Celtici questa credenza, io perchè devo festeggiare? Ognissanti è questa notte, si festeggiano... i morti, i fantasmi, le streghe, il male...! non credo sia cristiano! Mentre parlo, un bambino, nel buio bussa alla porta, "Se il dolcetto non mi dai, tanta guai passerai!". Guarda un poco questo ragazzo, non ha rispetto, nè educazione... già ricatta a questa età... non è certamente la festa della Bontà! Mentre penso queste cose, mia moglie se la prende, già da ieri ha pensato il finale (e non si sbaglia!): l'ha portata in cucina, l'ha tagliata fina, fina, nella pasta con la scamorza... questa è la fine della zucca! |
Condividi e segnala 
