Venetian Mothers

Ancora spesa..

MAMMA: Giovanna, te và in giro oggi?

IO: Sì, perchè?

MAMMA: Come perchè? Che domande xee?

IO: Dai mamma, cossa te serve? Te vedo subito che te serve qualcossa.

MAMMA: Sì, voevo domandarte se tornando indrio te te fermavi aa

Sma che ghe xe e offerte.

IO: Dai, va ben me fermo ma no sta farme tor massa roba x piacere.

MAMMA: No, no. 2 robe contae...

 Varda tie segno anca qua, sul deplià cussì no te pol sbagliar. Allora te tol:

(e qui inizia la minuziosa descrizione di ogni singolo articolo...

che ricordo dovevano essere 2 articoli contati)

- e pastine (tradotto Brioches). Ste qua e xe na marca che no conosso, x cui

toghine intanto un pacco soeo. Però e pararia bone quindi e provemo, no?

 cossa te dixi?

- pomi. Se ghe xe quei bei rossi piccoi magari in sacchetto che cussì no te ga

da star là pesarli, tanto mejo. Ma vardi ben però che no i sia farinosi che

dopo no i magnè e me tocca far na dieta de pomi par valtri.

- ah, a proposito de frutta: e banane! toghine 7-8 che to fradeo sie porta al

lavoro dopo. Tol un bel casco, me raccomando bastansa verdine che cussì e

dura un bel toco e no proprio piccoe.

- el buro prealpi. dato che el xe in offerta e che el xe bon toghine 2

pacchetti che tanto e xe e confesion piccoe.

- Ih, vara ghe xe anca e pisse regina dea buitoni in offerta. Tol anca

queste che co no savemo cossa cusinar a sera, mettemo in forno

quee e bea che finia, no? Quae te vol? Quea co i pomodorini freschi

o a margherita normae? va beh, te deciderà là al momento da soea.

- Varda, Giovanna, varda el deplià che te spiego. El Sole Piatti, ma se

ghe xe queo co a confesion argento altrimenti no sta tor niente perchè

 staltri no i me piaxe. No so cossa che el gabbià de + sta qua, ma el me

piase eh.. Giovanna te si drio scoltarme? Dai, su che dopo no stago

ripetite tutto.

- Dopo te tol i croccantini pal can. Cossa te scrivo sua lista x

farte capir che te ga da torli? "Bocconcini per Milly te capissi"?

(ma cossa so? Rintronada?)

- Tome anca el caffè che me xe rimasti soeo 5.124.587.516.548.651.854.561.655.265.665.465.464.845.214.584.758.712 pacchetti e go paura de restar sensa. Se ghe xe a Lavazza Rossa

ben che te sa che el me piase, altrimenti fa ti, basta che no te

spendi na barca de schei pal caffè che el costa già tanto de suo, se te te

metti anca ti no a xe + finia.

- ah go finio a "oilofola" (crema da giorno Oil Of Olaz, ndr), fa un piaser

tome anca quea che cussì no ghe penso +. Penso che ne go ancora

par na settimana o do bone ma visto che te và..

- Altro? Penso de no....ah sì, speta. Tò na stecca de cioccoeato

fondente e un pacco de succhero che cussì domenega fasso na torta.

Pensavo de far quea co i amaretti, te ga presente?

A ve piaxe quea no?

- Iiiiiiiiiiiih, gero drio x desmentegarme: el latte! sennò to fradeo

come fa coeasion doman de mattina? Ti anca se no tio metto, basta

che te gabbi el caffè, ma iu no ciò! Toghene anca de queo a lunga

conservasion che va ben o stesso tanto o bevemo che xe queo o stesso.

Dai, per oggi basta cussì dai. No xe tanto vero?