il peso del mondo
vita di una quasi ventiquattrenne anomala« Ciuri di Campo | Messaggio #42 » |
Pulènta e galèna frègia
e un fantasma in söe la veranda
barbèra cume' petròli
e anca la löena me paar che sbanda...
cadrèga che fa frecàss
e buca vèrta che diis nagòtt
dumà la radio sgraffigna l'aria
e i pensee fànn un gran casòtt....
L'è mea vèra che nel silenzio
dorma dumà la malincunìa
l'è mea vèra che un tuscanèll
l'è mea bòn de fa una puesìa
in questa stanza senza urelògg
bàla la fata e bàla la stria
in questu siit senza la lüüs
che diis tücoos l'è duma' l'umbrìa....
E scùlta el veent che pìca la pòrta
cun in cràpa una nìgula e in bràsc una sporta
el diis che g'ha deent un el regàal
me sa che l'è el sòlito tempuraal....
E scùlta i spiriti e scùlta i fulètt
che ranpèghen söel müür e sòlten föe di cassètt
g'hann söe i vestii de quand sèri penènn
i ne vànn e i ne vègnen cun't el büceer del vènn...
E la candela la sta mai ferma
e la se möev cumè la memoria
anca el ràgn söe la balaüstra
ricàma el quadru de la sua storia
la ragnatela di mè pensèe
la ciàpa tütt quèll che rüva scià
ma tanti voolt la g'ha troppi böcc
e l'è tüta de rammendà....
La finestra la sbàtt i all,
ma la sà che po' mea na' via
e i stèll g'hann la facia lüstra
cumè i öcc de la nustalgìa
in questa stanza senza nissöen,
vàrdi luntàn e se vedi in facia
in questa stanza de un òltru teemp,
i mè fantasmi i làssen la traccia.....
Condividi e segnala - permalink - Segnala abuso |
https://blog.libero.it/aleandra/trackback.php?msg=1663659
I blog che hanno inviato un Trackback a questo messaggio:
Nessun Trackback
|
|
Inviato da: ctthsoe
il 25/03/2009 alle 04:22
Inviato da: exiusbrug
il 24/05/2007 alle 11:20
Inviato da: jeanne_2006
il 20/04/2007 alle 18:19
Inviato da: myla_2006
il 03/04/2007 alle 10:31
Inviato da: isabelxx
il 10/11/2006 alle 23:43
Nickname: shining_star
|
|
Sesso: F Età: 42 Prov: MI |