01/05/2005

'E ccerase...

Oggi ho riscoperto una bellissima canzone napoletana dell'800: in realtà è una poesia di Salvatore Di Giacomo, scritta nell'anno 1888 e in seguito musicata.

Un saluto a tutti i napoletani veraci e alle "belle porticesi"...

Aprile Aprile
mmiezo 'e fronne 'e rose
vaco vennenno 'o frutto 'e chistu mese
cacciate 'a capa femmene cianciose
je dongo 'a voce e vuje facite 'a stesa

frutto nuviello do' mese 'e paraviso
collera 'ncuorpo a nuje nun ce ne trase
'e ccerase 'e ccerase

l'anno passato 'o tiempo de' ccerase
facevo ammore cu 'na purticesa
abbascio 'o granatiello steva 'e casa
e 'a chiammavano rosa vrucculosa
belli tiempe de lacreme e de vase
ogni lacrema quanta 'na cerasa
ogni cinche minute nu vaso
'e ccerase 'e ccerase

mò c'aggia fa se so' cagnate 'e ccose
e mm'ha licenziato chella 'mpesa
è arrivato nu legno genuvese
e 'o capitano ha ditto ca s' 'a sposa
capitano d'o legno genuvese
addò t' 'a puorte 'a bella purticesa
'e ccerase

cacciate 'a capa femmene cianciose
je dongo 'a voce e vuje facite 'a stesa
'e ccerase 'e ccerase
aprile è 'o mese
e me se scordo miliuni 'e cose
capitano d'o legno genuvese
a me nun me ne 'mporta ca t'a spuse
me daje 'na voce a 'n atu pare 'e mise
'e ccerase
a me nun me ne 'mporta ca t'a spuse
me daje 'na voce a 'n atu pare 'e mise
'e ccerase 'e ccerase
'e ccerase