Amicici

PER GLI STRANIERI CHE NON PARLANO PIù DIALETTO

In rete gira 'sta roba contro le catene di S.Antonio

Leggete

Saluti a tutti, soprattutto ai lontanissimi

Tocca cu lla spicciati cu mme mandati ste sangu de catine, comu se lu mundo era tuttu bellu, ma sulu se spediscu ntorna tuttu e puru de pressa, senò suntu nu fessa. Comu ddhru moru dell´America ca nu rrispose a quattromilaseicento imeil e mancu ave fattu ttiempu cu ddica "A" ca save travato li pali an culu; o comu lu furese gionny, de lu texas, ca tuttu de paru l´hannu cadutu li cujuni an terra perché nu rrispose,  ecc.ecc.

Nu nne parlamu poi de quiddrhi ca me mandanu la imeil e me dicianu ca ave nu provaider, casu vole dell´America, ca pe ogni mail ca li rriva, recala nu centesimu in beneficenza alla Lega pe la lotta alle scardìe alli cuiuni, e che quindi tocca cu li mandamu mail a sicchi.

MA MO' MAGGIU CACATU LU CAZZU!!!!!

Oppuru quiddrh'addru ca tene lu picciccu cu nna mmalatia rarissima ca mancu se sape cce mmalatia ede (e puru quiddhru ste all´America), e ca te scrive lu numeru de telefunu, cusi lu chiami e li dai tutte le informazzioni ca poti. (ca poi quardi bbonu e tte dduni ca su passati tre anni de quando è partita la catina e quindi pace all´anima soa!!!)...Ca poi dico, ma sangu de cusì, cazzu, a mie vieni cu mme chiedi ste cose de duttori? Ca suntu de Galatina e nu ssu bbonu mancu cu mme ppuntu nu cerottu!!!

E de quiddhru ca me dice ca ave nu virussu nella posta elettronica, ca se nu sstai ccortu te lu piji puru de le tastiera, ca è pesciu de quiddhru ca te piji se vai cu nna negra...(e nu faciti finta de nienti tanttu sapiti tutti de quiddrhu ca sta cuntamu)...e quindi vane e spedisci mail a tuttu lu mundu...

E quiddrhi ca poi te mandanu la coppia de lu Centru Antitumari de Lecce addhrune li scienziati te dicianu ca si mangi n´ovu all´occhiu de bbue, te vene nu cancaru alla ciola...oppure ca se te faci lu sciampu cu ddrhu prodottu, è pesciu ca cu tte fumi tre stecche de MS senza filtru.

Ncora giranu quiddhri ca diciamo ca li giapponesi mentanu li musci intru alle buttije e te dicianu "sciamu vagnuni...ntasamuli lu situ!!!"

E comu ca sta mme scordava de quiddhri ca scrivanu de quiddhri de la Ericsson ca regalanu telefonini comu sia ca suntu caramelle, ca hannu provatu ed è vero...sine...callora!!! Basta ca li mandi lu messaggiu a tutti quiddhri ca canusci e intru nu paru de settimane te vene a ccasa tua lu Toniu J.J. Ericsson in persona, ca sape quante e mail ha mandatu, e te nduce lu telefoninu bello npacchettatu, triband, cullu gipiesse, la custodia de pitone e ca face lu cafè...puru...!!!

E moi allora facitime na cortesia: mandatime filmini de rattu, le foto delle soru voscie, de le zzite, puru quiddhre delle nonne vosce se vuliti, ma BBASTA CU STE CATINE!!! Ca mo me apru na ferramenta, me mentu cu lle vindu e fazzu sordi almenu!!!

E speramu ca sta mailli nu rriva a quiddhru americanu, ca save cacatu lu cazzu cchiu dde mie e me manda cu fazzu anculu...!!!!

Cordialmente...Alberto V (Galatina...LECCE...ITALIA)....... www.myspace.com\albertovirgo