La vita,è Poesia.

' N'Angiulillo...                                    ...

Da chillo juorno ca te ne si' ghiuto

jo guardo sempe ngielo,miezo'e stelle

aggio scigliuto chella cchiù lucente

è so' sicuro ,'a casa toia stà llà...

Si addivintato'o cchiù bell'angiulillo

vicino a ''DIO'','mò, tu si cuntento

staie pazzianno miezo'e guagliungielle

ca sò' tutt'angiulille comm'a ttè...

Ma jo nun sò' cuntento ,jo stò male

vurria pazzià' pur'jo nzieme cù' ttè

me manche comme all'aria ca respiro

'a vita mia è sulo nu suspiro...

 Quanti prugette perdute dint'o viento

quant'illusioni sunnate nzieme a tte'

io voglio a ttè,'o cumpagniello mio

io senza'e te,nun voglio cchiù campà'...

E' prego a''DIO'',pure si nun te veco

ca te fà stà' pe' ssempe cca cù'mmè

t''o ggiuro ngopp'a chesta vita mia

si' ssempe 'o figlio mio guagliungie'...

 (Vincenzo Messina Enzo)