napule

o' sole mio

         Che bella cosa è na jurnata 'e sole,
n'aria serena doppo na tempesta!
Pe' ll'aria fresca para gia' na festa...
Che bella cosa na jurnata 'e sole.

Ma n'atu sole
cchiu' bello, oi ne',
'o sole mio
sta nfronte a te!

Luceno 'e lastre d''a fenesta toia;
'na lavannara canta e se ne vanta
e pe' tramente torce, spanne e canta,
luceno 'e llastre d''a fenesta toia.

Ma n'atu sole
cchiu' bello, oi ne',
'o sole mio
sta nfronte a te!

Quanno fa notte e 'o sole se ne scenne,
me vene quase na malincunia;
sotta 'a fenesta toia restarria
quanno fa notte e 'o sole se ne scenne.

Ma n'atu sole
cchiu' bello, oi ne',
'o sole mio
sta nfronte a te!

SPERIAMO CHE UN PO' DI SOLE TORNI DAVVERO. UN BACIO A TUTTI

(VOLEVO SALUTARE UNA PERSONA CHE IN QUESTO MOMENTO E' IN IRAQ

E' SENTE MOLTO LA NOSTALGIA DI NAPOLI, IN BOCCA AL LUPO FELINO TIENI DURO)

P.S. GRAZIE ELY