dialèt bressà

El sotòscalä con de 'l secer e ona cucetä:
eco, go amó el quacc, l'ìä la mé cameretä.
En mirä al cussì en do postai 'l cussulì,
tacat al sofit, ghìä, sensä tindiné, on finistrì.

El dàä diretament söi ram d'on fic
'ndo ghe idìé diaoi e strìé, e me dic
che pore grande issé jó mai pröadé
da quant so nat a stà 'ndè altre stradé.

Le seré 'ndo che ghìä la lünä pienä
vidìé fantasmi e scheletri a balà,
ridìä 'n mes a le sömié qualche jenä
assé de fa bajà quac ros de ca.

E quant crödaä le fòé da lapiantä
i ram i ma parìä tacc cornaciù
idìé i cervi, le cavré e Belzebù.
E la porä, oterfat che a novantä !