dialèt bressà

La butigä 'n mirä ala cisulinä, söl cantù,
scürä e bassä, co la füsinä e lur dù.
che se scalmanaä a picà de tötä lenä
co la massä 'l fer calt; poerä schénä.

Me par amó de edèr sö l'incözèn
al fer scotét che se desfaä dal rözen,
e i dù fradei Guerì col müs strüzit
bater al temp fin quant che i ghìä finit.

An del löc deèrt de dré de l'uficinä
on caàl el spetä, 'ntat che i gà strinä,
l'öngiä sotä i sòcoi per mitigä i fer
füsinacc a botä caldä dai dù frér.

Ulä 'n de l'ariä udùr de formai strinat,
bruntulä l'aquä che lur i gà doprat
a temprà i fer de stó caàl de tir,
le brasé de carbù le trà 'n suspir.