LA TARESA
che la ghe féa psicoterapia ale altre vecéte
V Taresa me fa mal
T Và dal dotor
V E se 'l me manda in ospedal
T Tu ghe va e i te cava 'l mal
V E se no i me guaris e magari more!
T Una de manco!
.
e col nome de Dio, la asséa cete
e contente 'ste signore!
.
LA TARESA
che squasi sote i nonanta
la se féa psicoterapia ela sola.
La 'ndéa in let prima de not
la se indormenzhéa
la se svejéa sui tre bot:
"Ciò, no son-e ancora viva!"
Né trista né lieta aveva sembianza
co la diséa cussì, po la se oltéa
e inte la son tornéa, galiva galiva
.
E 'l Santo Gotamo lontan al ridoléa
.
A.Zanotto
In Bestiario Veneto di Marco Paolini