ilpeloedilvizio

Lu pulici cridennusi
d’essiri in grembu a Nici,
e non sutta l’ipotesi
fantastica e felici:

lu dici ccu tant’impetu
chi un muzzicuni dà
‘ntra li crepati visceri
di chidda antichità.

La vecchia chi trafiggiri
si senti a la ‘nginagghia,
jetta lu fusu, e subitu
si parti mi lu ‘ngagghia.

E spingi ccu la solita
vendicativa cerra
li puzzulenti faudi
d’orina, e già l’afferra.

E primu ‘ntra li jidita
untati di sputazza
lu strica, e poi li situa
‘ntra l’ugna, e lu scafazza.

(Dal poemetto "Lu Pulici", vv. 461-480)