lavocedeiventi

Post N° 26

E questa te la ricordi? eravamo in macchina e volevi farmi la sorpresa facendomela sentire. Mettevi la zampetta sul display dello stereo per non farmi leggere il titolo e perchè dovevi cantarmela tu...ca stu marenariello te vò' sempe abbracciá....che ricordi!!!

'O Marenariello

Oje né', fa' priesto viene!
nun mme fá spantecá...
ca pure 'a rezza vène
ch'a mare stó' a mená...

Méh, stienne sti bbraccelle,
ajutame a tirá...
ca stu marenariello
te vò' sempe abbracciá.

Vicin'ô mare,
facimmo 'ammore,
a core a core,
pe' nce spassá...

Só' marenaro
e tiro 'a rezza:
ma, p''allerezza,
stóngo a murí...

Vide ca sbatte ll'onna
comm'a stu core ccá;
de lacreme te 'nfonne
ca 'o faje annammurá...

Viene, 'nterr'a 'sta rena
nce avimm''a recrijá;
che scenne la serena...
io po' stóngo a cantá.

Vicin'ô mare,
facimmo 'ammore,
a core a core,
pe' nce spassá...

Só' marenaro
e tiro 'a rezza:
ma, p''allerezza,
stóngo a murí...

Oje né', io tiro 'a rezza
e tu statte a guardá...
li pisce, p''a prijezza,
comme stanno a zumpá!...

E vide, pure 'e stelle
tu faje annammurá...
ca stu marenariello,
tu faje suspirá...

Vicin'ô mare,
Vicin'ô mare,
facimmo 'ammore,
a core a core,
pe' nce spassá...

Só' marenaro
e tiro 'a rezza:
ma, p''allerezza,
stóngo a murí...