linsun

         ‘A luna

Comm’è bella chesta luna

Ca se specchia dinto ll’acqua,

te sprufonne dint ‘o core

pe’ te purtà luntano.

Addò niente te scumbine

Tutt’’e suonne ca tu faie

Se fa l’ammore cu passione

Tutte ‘e vote ca tu vuoie,

ma nisciuno, maie nisciuno

te fa ntruppecà pe te fa care’

dint’’o futo

pe nun truvà cchiù ‘a luna.

Ah,sta luna comm’è bella

Ca se specchia dinto ll’acqua

Te sprufonne dint’’o core

pe te purtà luntano.

Ma sti suonne ca tu faie

So’ luntano ‘a chist’ammore,

pecchè 'a luna sta luntana

e se perde dint’’e suonne

lascianno na sola speranza.

Uè luna,…luna bella

cerca ‘e me capì

nun sbaglià pure cu me,

primma ‘e fa sprufunnà ‘o core

pienzace buone

e truovame na luna

ca se trova cchiù vicino!