occhiodivolpe

stasera 'nfaccia 'o mare
io m' arricordo 'e te ,
e dint' a 'sto ciardino
nun vengo cchiù pe' ttè :
vaco cercanno a uno
'e chilli tiempe antiche ,
ca lle sbatteva 'o core
quanno aspettava a ttè ; 

forse pe' 'na bucìa
o 'na malincunìa ,
'a  sciorta a tutte 'e dduje
strignette int' a 'na mano ,
ed è accussì ca io
'e vvòte vaco passiànno ,
e dinto 'stu ciardino 
sento 'na nustalgia ...

vaco penzanno a nnuje ,
e m'arricordo 'e me ...
comme pe' dint''e vvéne
ce stive sulo tu ...
no .. no .. ca nun è overo
io vengo a penzà a tté ,
e dint' a 'stu ciardino
vengo pe' te veré ...
vièneme 'nzuonno sì
vièneme 'nzuonno 'e notte ,
ca senza 'e te veré
io nun campo cchiù ..

.......................................
.......................................

m' addòrmo int' a stu ciardino ,
viéneme 'nzuonno tu