occhiodivolpe

m' 'a guardavo int' 'a cuntrora
assettata 'ncoppa 'a seggia ,
assettata 'nfaccia 'o mare
cu' 'e capille nire nire :

'a guardavo 'a dint' 'a stanza ,
'a verèvo comm è mo ,
ma luntano 'a ll' anne mieie ,
'nfaccia 'o mare int' a cuntrora ...

me venette 'nu penziero
r' 'a veré 'a ccà a trent'anni ,
cu' 'e capille janche janche
addurmuta 'ncoppa 'a seggia :

quanno po' nun pozzo cchiù
guardà a essa int' o balcone ,
nè sapè comme se tène ,
si è cuntenta e 'ndaffarata ;

quanno po' si s' arricorda
'e 'sta casa e chist' ammore ,
si ancora 'a vicchiarella
tène a mmente 'o nomme mio ...

lle vulesse quacche vòta
stà addereto int' 'o balcone ,
e quanno essa capuzzéa
carezzà 'a capa janca ...