occhiodivolpe

chille allora , 'e tiempe 'e tata
jeva tutta 'a cumitiva
cu' 'a pariglia 'e carruzzelle
'ncoppa 'o Vòmmero a magnà ...

accussì doppo Antignano
se cantava e se pazziàva
sotto 'o sole scarruzziànno
justo fino 'a trattorìa ;

mo se scenne sotto terra ,
quase staje pe' ruciulià
pe' sti scale accussì mòbbili
sempe tìso saglie e scinne ...

tutte zitte , 'a pecundrìa
piglia 'a capa e dint' 'o core ,
ca te guarde tutte attuorno
senza manco 'na parola :

tutte quante zitte e mute
e cu' ll' uocchie fisse annanze ,
tutte quante sule e mute
comme a tante baccalà ;

a Cavùrr scìnne e cagne 
pecché 'a metro è stravagante ,
sotto terra dint''o bbuio
saglie e scinne annanze e arrèto ...

'o criaturo ca piccéa
guarda 'a mamma : ma che vvò ?
stammo mo a Materdei
ce vo' tiempo pe' magnà ....