occhiodivolpe

me ne vaco tuorno tuorno
e spezziànno 'a ccà e 'a llà ,
vaco pède catapède
senza voglia 'e stà a pparlà ...

mo me ggiro addò steva uno
ch' arrusteva 'e spine 'e grano ,
po' 'a staggiòne se vutava
a taglià felle 'e mellone ;

po' ccà dinto a 'sta traversa
ce steva aldo santarosa
cu' 'na mamma , sarvaddìo ,
ca pazziàva 'ncuollo a mmè ...

t arricuorde a zì nennella
che ccà fore a chistu vico
se firava 'e fà 'a cummare
a tre o quatto 'e chille 'nziste ?

quanta storie cammenanno
si pe' ccà vaje tuorno tuorno ,
quante storie .. mo che ttorno
po' t' 'e cconto 'mbraccio a mmé