occhiodivolpe

tiene mente 'o mese 'e giugno
quanno maje 'stu calore,
nientemeno  si m affaccio
c è 'o cammello mmiezo 'a via ...

tu che ddice ? 'e tiempe bbelle
'e 'na vota a marechiaro,
'na varchiata chiano chiano
fino a sotto trentaremi ?

sulamente a ce penzà
mo me vèneno 'e suròre,
penza tu sotto a 'stu sole
a varchià fino a 'o scuglione...

nun è ccosa, sta finenno
ogne sfizio int all està,
e accummencia pure ambresso
stammo a giugno e pare aùsto ;

tu che ddice, po' s appara ?
ma tu 'o ssaje, è cagnato tutto
quanno è 'o meteo int 'e ttivvù ?
previsioni ? seh .. jastemme !