occhiodivolpe

se ne jeva tuorno tuorno ,
che pe' s' abbuscà 'a jurnata
ce vò l' uocchio e 'a mano pronta,
e ca po' pare addurmuto .

tu 'o saje 'o Siù c' 'a freccia
ca pe' dinto 'a prateria
sta all' agguato p' 'o bisonte,
nun 'o vìre ma t' accìre ?

accussì .. isso passèa
e se guarda tuorno tuorno
sia che fosse 'mmiezo 'a via
sia che stà 'o supermercato .

che ne saje ? a uocchio a uocchio
vòtta 'a mano e po' và  annanze,
nun ce pare ma è arrivata
n' ata cosa dint' 'a sacca .