occhiodivolpe

io ‘o pprincipio nun capévo
chisto llà ca ce faceva ,
‘o ‘uardavo ‘e se quartià ,
mme pareva asciuto scemo ;

po’ siccome se ‘ntalléa
a ffà sempe ‘e stessi mmòsse
sia cu’ ‘a capa e sia cu’ ‘e bbraccia ,
m’ aggio fatto ‘nu penziero :

ca siccome è quarantena
e siccome è musulmano
vène ‘ncoppa ‘o bbelvedere
a prìà pecchè è fedele ?

accussì guardanno ‘a Mecca
( comm’ ‘o ssape ? addò l ha visto ? )
quann’ è fatto miezojuorno
‘a moschea è ‘o bbelvedere ….