occhiodivolpe

..

so' stunato ? nossignore ,
m arricordo ogni fetente
ch aggio visto in vita mia
fà quaccosa malamente ..

io stunato ? vaje abbacante ,
tengo fissa dint all uocchie
'e guaglione 'a scòla media
che perdevo 'a capa e 'o riesto ..

veramente , cu' ppermesso
cierti vvòte 'a capa ggira :
'nu penziero  assai pricìso ?
un idea che s appresenta ?

embè pare 'nu dispietto
ca  si passa 'na mezora ,
nientemeno m arricordo
'o mumento e 'a perzona ,

ma 'o penziero se n è juto ,
se n è asciuto r' 'e cervelle ,
siente ccà , che t aggio dì :
so' stunato ? e sissignore