pensieri e paroleletteratura e poesie (in dialetto Tavernellese) |
AREA PERSONALE
MENU
INFO
CERCA IN QUESTO BLOG
CHI PUÒ SCRIVERE SUL BLOG
AMOR RUSTIC
Questa vria essa ‘na poesia sa i vers pien d’armunia, scrita s’al cor in t’le man anca se ce vol ogg e dman, perché ‘en è fecil truvè la rima per me ch’ho fat sol la prima, e meta insiem le parol per ‘na donna e non sol per ‘en fé ‘na figuraccia e dacsì salvè la faccia. ‘En tanti i pensier t’la testa nient’altre me resta che ‘na gran confusion per la fort emusion. Ma cla ragassa ji voi ben ma la frès giusta ‘en me vien, ech perché j’ho scritt sta poesia sa tuta l’anima mia, mo’ lia l’avrà capit adess che de lia so innamuret less e che la vria spusè a magg e gì a Fan a fè el viagg. Scritta e pubblicata da: Albyron Fano 12 / 03 / 2013 Tutti i diritti riservati
ARRIVA L'INVERNE
L’inverne è arivet è qualcun sembra ibernet, sa,sciarpa,guant,majon giacca a vent e scarpon. Qualcun dic,facend chiass che quand era ragass, ottanta e passa ann fa, sarà vera chi el sa, era nurmel a sti temp la nev, mentre un bon rosc se bev. Sarà minga un po’ imbriegh ji la nev a ni giù en la vegh… Che s’è fat fred quest è vera, minga sin più in primavera, mo no omne duri, en ce spaventan sten dentra chesa sul divan, sa la moi vicin davanti al camin, a guardè la television a ste a senti le canson, sal bianchel fat brulè e brindè ala faccia dl’inverne ,alè… Scritto e pubblicato da: Albyron Tavernelle 13 / 11 / 2017 Tutti i diritti riservati
ESTET PAESENA
Quand dal cald en né pu più prend via dla Tomba al d’in sù e sotta un uliv de Mariulin mette a fè un pisulin, ché malì c’è l’aria fina che vien da Sungarina, e se pù te vien fem e set va dentra un vignet chè un grappulin d’ua te fa passè tutta la bua. Mo se la cullina en te pièc sa l’anima alegra ed in pèc, via dla Barca prend chè in fond il fium s’estend, sa cl’aria frissantina che se sent, te senti legger e cuntent. Se invece de caminè en hei voia mette a seda sotta ‘na tettoia, te magni do fet de pan sal salamin e te bevi un bichier de vin, alla faccia di chi ha la gelosia buon pro ti faccia e così sia. Scritta e pubblicata da: Albyron Tavernelle 02 / 08 / 2015 Tutti i diritti riservati
L'EPIFANIA
Stet a senti gentil pupupulazion! Diceva ‘na volta ‘na canson: ”la befena vien de nott Sa le scarp tutt rott” Per purtè i regal ma tuti i fiulin Passand per la canna del camin. I ragasin la mattina dl’Epifania Se sveghievne sa molta euforia Per scupri co’ j’aveva purtet la befena: chi vleva un trenin,chi sa la faccia serena dmandeva un bel bambulott per giuchècc in tel salott… insomma ognun aveva un desideri che i genitor accuntentevne seri seri. En mancheva mei el carbon Anca se erne stati bon. Ogg è el giorne dl’Epifania Che ogni festa porta via, purtassa via anca tuti i malann e ma no’purtassa salut tutt l’ann. Scritta e pubblicata da: Albyron Tavernelle 06 / 01 / 2016 Tutti i diritti riservati
LE TASS
Tari,tasi,imu,irpef,,tanti balzel, Che te confondne el cervel. E pu c’en da paghé le bullett, Che arivne urmei sopra el tett, Acqua,telefon,luc,tv,gas, En s’nè pol propri più ragass… Pu c’è el boll dla mechina A nafta o a benzina, E do’ metten l’assicurasion? Madonna che cunfusion… Sa,tut quel che ce costne le tass En ce resta che venda el materass. Scritta e pubblicata da: Albyron Tavernelle 14 / 10 / 2015 Tutti i diritti riservati
PREGHIERA MA SANT'ANTONI ABET
Sant’Antoni dal purcel Proteg ma’ Tavernell Ma’ Sungarina e non sol Anca ma’Bargni e Pzol. En te scurdet del Mulinel E dla Zona Industriel Ma’ la Sacca e i Guazz Da bèn e salut a mazz. Insomma del Cumun tutta la gent Te chied de pruteggia i present, e ognun te sarà riconoscient. Scritta e pubblicata da: Albyron Tavernelle 14 / 10 / 2015 Tutti i diritti riservati
VENTOTT DE DICEMBRE
Dall’alba del mond, ossia da sempre s’ariva ,girand in tond al ventott de dicembre, giorne second la tradision d’la festa d’ innucentin anca per i signuron fnit le fest,fnit i quadrin. Sarà vera??? Chisà… Speran de no…anzi Starin a veda… Scritta e pubblicata da: Albyron Tavernelle 28 / 12 / 2017 Tutti i diritti riservati
L'ANN NOV
L’ann vecchi se né va Sa tutt le sua calamità Che ha purtet in quantità. L’ann nov arriverà E sal sac sua purterà Se spera,salut e prosperità Ma tuta quanta l’umanità. Quest è l’auguri mia Sensa ipocrisia Ma tuta la gent Cla ricca e quella che ‘en ha nient. Scritta e pubblicata da: Albyron Fano 31 / 12 / 2013 Tutti i diritti riservati