Italia Unita

IS ARREXIONIS DE SU "NO" A S'INDIPENDENTZIA

Beni benius! Custu est unu blog iscritu in lingua sarda. No si fezzis cullionai de sa lingua, poitta custu blog no est nasciu po difendi is arrexionis a s'indipendentzia, chi rispettu ma no cumprendu. Est nasciu po valorizzai sa lingua sarda, poitta creu ca si deppat valorizzai; custu pero no oi nai ca sa Sardinnia est una natzioni o depat essi indipendenti. Sa crisi pastoritzia impari cun su fallimentu de s'industria, portat is de Sardigna Natzioni, a pottai innanzi is istantzas indipendentistas. In custu post s'ollu contai poitta no obeus chi sa Sardigna diventidi indipendenti. Sa prim'arrexioni de su "no" est ca seus italianusu. Certu, teneus historia, traditzionis, usantzas diversas de sa "Terra Frima", pero dogna regioni italiana tenit artras usantzas, traditzionis e lingua, poitta is chi tzerriausu dialettus no funt artru che linguas. Poitta cummenta natzioni seus nascius scetti in su 1861, prima de intzandus femmus tottu prentzius, cummenti narada su diciu sardu "centu concas, centu berrittas". Is romanus si consideranta su trigali de Roma, poitta sa Sardegna fui arricca de trigu e bingias, gratzias a custus s'imperu podiat producci binu e pani po tottu s'imperu. A s'epoca de Roma femus sa duodexima "diocesi" de s'imperu. Candu nd'est arruttu s'imperu romanu, seus stetius bizantinus, arabus, italianus (parti de sa republica de Pisa e Genova), e poi asutta de is ispanyolus, fintzas a su 1721, candu seus torraus a essi italianus. Itta c'est de diversu de su continenti? Certamenti no s'epoca preromana, poitta is protosardus no esistint prus de diora. Valorizzai sa cultura nosta, no oit nai ndi rinnegai una parti, poitta s'Italia est parti de sa cultura nosta.