Anonimo il 06/03/07 alle 23:35 via WEB
Elle ite sunu tottu custos inghiriottos, Ri’? Aite m’asa fentomadu, già l’ischisi chi no sunu dies de gosare. Mira mì, ista attenta, no gioghes cun sos annos mios. O pensese chi sia ezza cadrodda? E poi, si bos sezis colpados in su blog, deo ite b’intro? Ma a l’ischisi chi cun tottu cussa ciarra chi azis pesadu in custas dies passadas, minne este ischidada finzas sa pressione? Ca no bastaina sos ateros males! Malaitta, a dughentos mi ch’este pigada. So istada male e ricoverada micc’ana. Iscur’ ammie chi bol leggio. Torrados bi sezis a trattare male cuss’iscuru! Ohi, ite dies mi sezis faghinne passare.. Nebodeddu meu lu devizis intennere, cussu sulvile, canno fia iss’ispidale. Micc’ada puru costoidu custu traste malaittu. Po cussu no ti apo rispostu luego, si nò già boll’aia dadu su tantu, cun su palittone mannu chi tenzo sempre affacca. Sas costas bos aia ammonnigadu.. Tinne naro un’atera: sas chi fini a lacanas mias, ischiana chi bos ada attaccadu puru su mudimene De tottu faghides, comente sas criaduras. A ponnere a conca este, enne males. Sabios e sabias bos chelzo. Ohi, Ohi, già sezis acconzos, una prenna: imbrossinados e mudos, bos mancaida solu una agabbadolza radicale po faghere tombola. Ponide a conca canno iscridides, chi mi parides sas mamas bostras. Chie minne eniada cun su pane purile, chie cun zichi pagu cumassadu. Po folza n’essiada tottu iscravanzadu. E daiana sa gulpa a mie, si no attere chi no b’intraiada nudda. Girellas binne aiada tanno puru, ite pensades. No so piusu arrabiada in custas ultimas dies, ca nachi cherides annare a cadreas. Gia mi paridi una cosa pensada ene, cun cabu: annadebei, ca su eranu puru este arrivadu . E ammentadebos denne pesare sos politicos (oe so calma, mì). Sas furrajas no bana pensadu duas boltas a occupare su comune, guasi trint’annos faghede, a boll’ammentades? Pensadebei puru chi su 7 de sant’Andria, de s’annu passadu, torrenne dae cadreas a piatta, este naschidu cussu chi cun dunu sambinadu mai intesu ana giamadu: “disegno di legge contro i sequestri di persona”. Ite fine ada fattu cussa criadura? Si non lu estides e li dades a manigare (torrenne a cadreas, cun tottu cussa zente manna) sicche moridi. E tue Ri’ no istes in giru tottu imbelletada, regoglidi paris a maridu tou, si ses cojada. Regoglidebos tottu e attoppade a cadreas. Faghidelu po primmore de Giuanne Battista Pinna. Gai no bos ana mai a narrere chi sezis abbilgonzados. Sa furraja
(Rispondi)
|
Inviato da: frickpeace
il 07/06/2007 alle 23:11
Inviato da: NeVerLiKeMe
il 07/06/2007 alle 20:12
Inviato da: NeVerLiKeMe
il 07/06/2007 alle 17:22
Inviato da: Anonimo
il 07/06/2007 alle 16:47
Inviato da: Anonimo
il 07/06/2007 alle 16:24