Anonimo il 23/03/07 alle 09:10 via WEB
Miaoo… mussi, mussiteddu….miaoo. Abonne pari’ beru! Sa domo de attolinos minn’a pienu. Ma anniese de sulvile custa criadura. Innora ona. Già el beru chi este gulpa mia. E ite podia faghere. E no fia pulinne in carrela, canno si frimmada sa cottulada a dimannare chie b’aiada su 19 in su comune. E deo, macca, mai l’appera nadu: cussos battoro attos. Su fiore, addasegus de sa janna mesu iscanzada, sempre all’epperadu, fidi intenninne tottu..Chessi currinne, un’iscuette, e no minne accudidi cun battoro attolinos: unu longu, lanzu e macchiadu, s’ateru in carre e sos ateros duos pius lanzos. Abbeniminne, como già sò in andias che gigi. Sa die poi, mi jamana “urgentemente” a iscola (e i sa mama? Lassadela peldere cussa labariotta, sempre in giru, chissà ite bi faghede peri sal domos!) E brigadu no appo cun sa mastra, a razza e craba ezza, oh. Deo naro chi a una zelta edade che las devene mannare in pensione! Sa criadura unu tema deviada faghere, a seberu: “Tema Libero” s’intitolaiada. Igue si cheriada su sulvile. Appena leggidu sa peraula libero, e no cominzada a iscriere, lestru lestru, mesu saldu e mesu italianu, de Titti. E no ba postu chentu e goi a lu finire su tema! Un’iscrittore! No bollu racconto ca bi cherede tempus. Lamentosa e ischizzinosa invece sa mastra: ca no si podede impitare su saldu, nachi. Bo, bo e ite l’insinzaia: s’ostrogoto? Gia este pagu acconza, ohi deus meu. Torrenne a domo, tottu incripuddidu, mi faghede: a sa macacca, no’, abbisonza sos ispijittos noos. S’incrasa fidi ancora nieddu pidigu. E no che vi bessinne cun duas buscias. Fi resessìdu a mi coglionare si no aia intesu: miaooo, miaooo. In d’una sicc’aiada postu su attolinu chi giamada: Rosa’, sa chi raffiada de piusu e istada sempre a isulfios canno la toccana, cun cussas cannighinas sempre fora. Po no faghe beffe mi l’appo tentu in domo. Como este sempre gioghenne cun cussos animales. No sunu animales, mi ripittidi sempre, sunu comente e sos cristianos no’! Si si devede ponnere a istudiare sicche giamada su macchiadu: Battì, beni a inoghe. E i cussu li fiagada sos liberos e binne puntada duos: grammatica e matematica. Finzas a canno no che finidi sos compitos li faghede de gualdia. Canno poi cherede iere su blog ista sempre A’, A’, finzas a canno no si ponene ambos duos addenanti e su traste. Si este sa olta de giogare faghede Ba’, Ba’ e sinne acculziada s’attolinedda. Tue devel biere comente lu ninnada su nebodeddu meu, paridi naschida cun sos pizzinnos in coa. Como sas dies las passo goi. Però so già intenninne fiagu de abbasanta e so pensenne de che los fuliare fora e domo. No si podet tennere custu digugliu in sa ghida santa. E poi si devede pulire po Pasca, o nò. Ma a propositu, no narana chi este “Pasqua di resurrezione” e chi nos liberada dae tottu sos males? Ada essere ora anne lu lassare torrare a domo a Titti, ite pensades? Deo, dae cabidanni so preghenne chi sos chi che l’ana leadu, torrene in sè, e lu lessana torrare a domo. In custu modu issos puru ana torrare a essere omines, comente los ada fattos Gesu Cristu. Sa furraja
(Rispondi)
|
Inviato da: frickpeace
il 07/06/2007 alle 23:11
Inviato da: NeVerLiKeMe
il 07/06/2007 alle 20:12
Inviato da: NeVerLiKeMe
il 07/06/2007 alle 17:22
Inviato da: Anonimo
il 07/06/2007 alle 16:47
Inviato da: Anonimo
il 07/06/2007 alle 16:24