Area personale- Login
Cerca in questo BlogMenuUltime visite al BlogChi può scrivere sul blog
Solo l'autore può pubblicare messaggi in questo Blog e tutti gli utenti registrati possono pubblicare commenti.
I miei link preferiti |
Post n°28 pubblicato il 09 Dicembre 2007 da zefferino
Tag: citte citte ammizz'a chiazze, dialetto lucerino, lucera, poesie in vernacolo, poesie lucerine, vernacolo lucerino “Sale in tavola!” decije nu jurne u figghie a mamma suje. E quella povera fammene convinte de fa piacere ‘o bene suje metteje i pide tra minestre e petrusene. E isse “gnurante!” lucculaje a mamme pe n’avè purtate sapore dind’ o piatte suje. E esse…murtufucate d’o sanghe d’u sanghe suje se sentije na crape pe n’avè date piacere ‘o figghie suje. Uè uagliò…quèlle è state na femmene giunuine. Nu sole sbaglie stace d’a vita suje… avè fatte de quillu figghie nu cristiane!!! chè se dice ‘struite.
Post n°27 pubblicato il 08 Novembre 2007 da zefferino
Stammatine, ammizz’o larghe me so ‘mbcciate tra quatte cumpagne chè de mestire fanne i pulutecante. Ha cumunciate pe prime u comuniste: “Sime tutte sfruttate da quatte capitaliste”. “Ma lassa pèrde” – ha respuste u democristiane – “senza de nuje n’avisse truvate ‘ a ceveltà”. Po’ è state l’ore du socialiste… ma nen z’è capive si jève a destre o si se ne vace a sinistre. Nen parlame po di quille che s’ammoccene arrete a fiamme …l’hanne stuttate prime che accumunciasse: “Tu sei fascista…e statte citte”. E u riste!!! chè ste stevene a sentì… mo i vedive a destre mo chè se ne jevene a sinistre. “E’ sentite, cumpà – ha ditte vune – hanne parlate de revisionismo storico, di confluenze delle sinistre…” “ma che vonne dì…?! “Eh, cumpà! eje che t’è ammudurna…vide a mè, ije nen presente cchiu’ senza vocabolarije”. “Ma ije vulesse capì…senza esse pe forze n’intellettuale”. “Cumpà u saje chè diche – ha ditte n’àvete – aqquà so tutte parole, sole parole e ninte cchiu’ aqquà se parle pe parlà… tutte hanne raggione ma ije rèste sèmpe dint’a na stalle”. “Cumpà, u saje chè diche.. aqquà ce vole angore timpe pe calà sta cocce e guardà nu poche a tutte quante”. “Comunque l’avesseme propete fenèsce… ci’avesseme propete decide si ammacare st’usse! i vulesseme sparte nu poche a tutte quante”. “Cumpà chè dice ci’amma decide a vulè costruì sta benedette Italije?!”. “Si, cumpà….va bune… ma mò, cumpà, famme jì ….prime a magnà”.
Post n°26 pubblicato il 08 Novembre 2007 da zefferino
Jurne jettate….jurne appassite vune appirse n’àvete… jurne passate a jittà sanghe senza putè capì… a jì da nu pinzaminte a n’avete senza putè dì nu si o nu no senza putè penzarce angore e turn acume ere prime. Na guerre dind’a te ch’è resolve sule sule pecchè pure da nu cumbagne truve sole lemòsene pe quill’u povere guaglione… o chè si nu cacacazze chè dice sempe i stesse cose. E tu a rendite cunte de tutte quiste e a nen truvà a forze p’ascì da stu casine che te stace purtanne ‘ a mattije. Tu ti jette n’da tutte cose ma isse pare farle apposte torne sempe là a quella malatije. Almene checché timpe fa’ campave pe qualche sciarre… mo che s’è jute a fa fotte pure quille…riste sule annante a quillu piatte… sule sule…a guardarve…. - isse penzanne: Mo me magne…” e tu a guardarle …jenne ch’a cape a tutte quille che te stace brucianne dinte. Po’ t’agaveze…t’è passate a fame (…po’ quille che trase se n’a esce p’a stessa vije). Te mitte a fa’ na camminate sotte e sope n’da na stanze… e isse a penzà senza riuscì a truvà na strade. Po te guarde ‘nda nu specchije et’accurge cha si arrevate n’ata vije. Guarde arrete…vide annanze e truve campe senza cchiu’ na spighe… sole radice sotta terre e luntane… nu cile trasparente che nen vole capì ninte de purtà na goccia d’acque pe fa nasce almene na chiantarelle da nu core chè stace jettanne sanghe.
Post n°25 pubblicato il 08 Novembre 2007 da zefferino
A campane d’a chisa granne ha date i sette colpe d’avemarije creature, giuveenee e papanonne chiane chiane se ne vanne a vije d’a ville. Accuminge accussì a Lucere u sotte e sope. U giovene cerche ‘a uagliungelle u vecchie u cumpagne pe parlà d’u timpe d’a guerre. Chi parle citte citte pe nen fa sente i fatta suje chi lucculeje pe fa capì che stace pure isse. Dope quatte chiacchiere vide i cupiette sparì pe dind’i fratte. Quill’areve!!! uh, sembrane fatte a litte… Si putessene parlà!... quanta cose ce raccuntarrijene chè so succisse sotto l’ucchije lore… pure quille di papanonne nustre. Chiane chiane ch’a u sole se ne vace pecchè s’adda jì a rupusà vide a gente cha se sposte a vije d’u stradone pecchè u riste eje de chi s’adda dì doje parole…citte citte. Eje u munne d’i coppiette… parene tutte attaccate a qualche àreve. Stanne sule… nuje sime fore d’u munne che se sonne criate quille eje sole u lore. Chiane chiane s’accumincia a fa tarde U papanonne s’abbije passe passe a vijee d’a casa suje a uagliuncelle cèrche de scappà da l’uteme bace cha nen se vole fenèsce cchiu’ penzanne all’ore e ‘o padre chè se ‘ncazze facilmente. Chiane chiane…devènte mezzanotte e tutte torne citte citte. Sole qualche cristiane chè penze angore è fatta suje. U strusce eje feute mò restene sol’i guaje de quillu povere vagabonde chè nen trove pace pe sta vite che pare chè se pigghije tutte cose senza vulè dà ninte.
Post n°24 pubblicato il 08 Novembre 2007 da zefferino
Qualche timpe fa me so’ truvate ‘nda nu pajèse de quell’ata Italje n’du pajèse d’i “ciao nèh”, andò tutte nuje sime terrune… ciucce che tirene senza capì usanne sole ‘a forze… senza ragiunamente. Dint’a nu bar n’do eve jute pe pegghiarme nu cafè nu gruppe de cristiane chè guardave a talavisione (parlave de Rocchette Sant’Antonije, nu pajese chè po’ eje du pajese nustre)… de fronte a tanta strazzje… dicevene che eje pure colpa nostre pecchè sime marocchine e che quille che stace ce stace bune pecchè ‘u vulime nüje. Apprime stije citte citte p’i fatta mije ‘nfine a quante po ‘u troppe eja troppe me so’ ‘ncazzate… ci ‘agghie ditte: “Cumbà tenisse angore da di checcòse…. pure ghije so’ meridionale!!!”. Ouh, se o’ fatte rusce rusce ‘mbacce po’ cume annante a ‘u prevete quanne te vaje a cunfussà m’hanne chièste scuse!!! Lore ne sapèvene cha ije apparteneve a ‘u sud… nen vulevène dì tutte quilli fetenarije. Forse penzavene che jève geranne che nu curtille nd’a sacche pe putè sfriggià cume face Zorre. L’agghie guardate a vune a vune ‘nfacce po’ me so gerate e me ne so jute p’i fatte mije luntane da quella fetenzije. E po’ decene: “Bisogna civilizzare il terzo mondo”… quante stace angore da ‘mpara dind’a sta ceveltà. Ma forse eje defficele capì chè pure si so’ sfruttate da quatte disgraziate… pure si m’agghia stà citte pecchè agghia purtà ‘u panarille a casa mije… pure si agghia dì sempe de sì… so’ contente d’esse d’a terra mije. Pure si amma esse pe forze na masse de sfategate (pecchè amma fa contente a chi ce stace a cumannà) pecchè nen eje ditte cha nu jurne ne chiagnarrà chi ogge ce face chiagne.
|
Condividi e segnala 