ChioggiaTv

Buona settimana lettori!Allora questo pazzo Maggio ci sta' salutando, nel prossimo week-end Giugno apre le porte e porta con sè l'Estate finalmente!?"Rive giugno col formento, spighe d'oro e schei d'argento.Dove meterli 'sto ano?i può stare soto el divano","In giugno le done se cave la mageta e, contente,le se mete la vestaia." "Giugno à tesori in pugno: racolti, promossion, nosse e delusion.""Con giugno tonisante el racolto xe abondante.""Nel mese de giugno la seresa xe in pugno". In effetti le ciliegie son buone, tutti speriamo di metter via finalmente giacche e felpe negli armadi, auguriamoci anche schei d'argento...in effetti l'oroscopo questa settimana per alcuni segni parla proprio di questa possibilità!

ARIETE

Sprint xè la parola d'ordine. 'Sta setimana partì in quarta, però ricordeve che no tuti viagie ala vostra velocità, quindi spieghè ben  quelo che fè, cossì venì stimai e capii.

SE NO I CAPISSE SUBITO I GHE RIVARA', STE' QUETI.

TORO

Se le robe no ve quadre totalmente, no stè ad avere premura per tiore decisiòn sopratuto se dovè comprare qualcossa de impegnativo.

MEGIO SPETARE CHE DIRE: -SE PODESSE TORNARE INDRIO!

XEMEI

Sè rassicuranti e gli amissi ve serche per questo, al lavoro chi che no ve conosse ben xè un fià scetico nei vostri     confronti, ma no feghene un motivo per rabiarve.

SETIMANA DECISIVA PER DECIDARE LE METE PER L'ISTAE.

CANCARO

Da Marso sè in fermento artistico e passin passeto le vostre idee xè che ciape forma. Voialtri no spieghè, fè sensa lodarve o sbrodarve.

A VOLTE XE BELO RACONTARE I PROGETI E CHI A VOGIA DE SCOLTARVE.

LEON

I tanti pensieri che ve assile no xè scomparsi, ma tra na caligà e n'altra ghe xè momenti come 'sta setimana, de magior respiro.

CURARE I PROPRI INTERESSI E GLI HOBY NO XE' REATO, ANSI, FA STARE BEN!

VERGINE

Mantenì la calma governando le manifestasiòn de umano dissenso, zioghè de astussia e parlè quando el fumo no ve esse pì dal naso.

SE' CALMI, PACATI E FORTI, QUELO CHE ALCUNI NO VORIA.

BILANSA

El passato pian pian no vè turbe pì e deventè sempre pì consapevoli e sereni, aperti anca a nove esperiense sia in amicissia sia nel lavoro.

SE QUALCHE PIANO SALTE O CAMBIE STE' TRANQUILI CHE RIMPIASSE'CO ROBE MEGIO

SCORPION

Novità in arivo: proposte de colaborasiòn, richieste per lavori extra, inviti a cena per definire progeti.

NO RABIEVE SE QUELO CHE PROPONE' NO VIEN SUBITO CAPIO

SAGITARIO

No prevarichè ma no ve fè gnanca metare i pie in testa, xè cossì che se fà! Xè giusto sto ategiamento.

E QUANDO L'IDEA XE' BONA, NO FEVELA SFUGIRE O SOFIARE

CAPRICORNO

Se dovè sistemare na stansa agì subito che l'estro vostro xè giustissimo. Nele spese sè ponderai, savè che no ve bate nissun.

CONSIGLIO SERATE DIVERTENTI E SPENSIERATE.

ACQUARIO

Radiosi e consapevoli, amirai e desiderai, se alcune proposte (anca galanti) no ve comode, no stè a preocuparve.

AUMENTE' EL VOSTRO FASCINO CON TISANE DEFATICANTI E MASCHERE ANTISTRESS

PESSI

Sto tempo mato ve rende proprio lunatici ed eletrici, ma no feve ciapare dala freta o dal nervoso. Le idee che avè xè pì che bone e le deve ciapare forma.

BASTE CAVALCARE BEN L'ONDA, SE PESSI...MEGIO DE COSSì!

avete mai visto "l' Estate di Kikujiro?"

                                         Elisabetta Donaggio