BLOG DEI FIOI

Se passando par a piazza Maser, fora dea finestra sora el negoziet del bon Georg no vede pi a bandiera a stee e strisse sventoaear ma mestamente esposta a mezz’asta no ste preoccuparve.

Se girando par pampas e coine de maser no vedè pi el tipo rasà, coe mudande da triatleta, ma senza el numero scrit col penarel moro, no ste agitarve.

Se no sorpassè pi in machina quel col completin bianco montà su su na biciclta che na bicicletta no par, no ste far massa domande in giro.

E’ si, bandiera a mezz’asta in Casabianca, e no par iu problemi coi russi. Dopo mesi e mesi de doeoret al denocio, che ormai ghe limitava e uscite sportive e non solo, el consoe statunitense là finalmente deciso de trovar el motivo de cotanto impedimento co na bea risonanza magnetica.

Esito: LESIONE MENISCALE

Fonti attendibili parla de un Bush mai vist, letteralmente fora de lu, sarà a paura che e scarpe bianche se secche, sarà el timor che e rode se sgonfie irrimediabilmente, sarà a paura che a baeanza lo varde mal, sarà che nol crede de essar bon de star um mese senza ndar in pedana; sta di fatto che a Donatella minaccia de sarar el bar se entro 3 settimane no ghe riva l’ordine de magnum!

Dai Giorgio cazzo, i fioi tutti te se visini e te sostien in sto brut periodo, operate ae svelte che in un meset te si come novo e finalmente co l’aseo te dovarè solche conzar i pumidori

Distintamente……..KROATORTOPEDICO