Commedia
Mogli e Buoi dei partiti tuoiRocco e Pasqualino Residenza di Rocco Pignata Salotto di media fattura, porta centrale e due laterali Tavolo e credenza con foto di Stalin e Gramsci ROCCO (ingresso dal centro) Uomo di circa cinquant’anni, abbastanza robusto. Vestito in maniera semplice. Abbastanza scontroso. Rocco - Ma vadda chi sava gniuttiri un povirazzu…. Cocchi gnonnu mi taccunu (guarda l’orologio) Vuria sapiri si ta na casa si fannu l’ottu e ancora non si nì para pi manciari…. Rosina… Lucia…. a unni sitiiii… sempri a cuttignari chi vicini Quasi quasi mi pignu un pezzo i pani, ci mettu ‘na picca d’ogniu, mu mancio e vaiu e mi cuccu… così mi passa puru a raggia PASQUALINO (ingresso da destra verso Rocco) Giovane di 17 anni, cerca di essere anticonformista nei confronti del padre, anche se in realtà, ne ha timore. Pasqualino - Mi fici du uri di sonnu chinu, ora sugnu prontu pi nesciri e fari strage di fimmini……a notte mi sta spittannu Rocco – Hei, giovane… prima di fare strage di fimmini ricodditi chi dumani matina è putari l’abiri di albicocche e datu chi ‘nama suggiri i sei, cecca mi non ti cucchi troppu taddu, sinnuncadumani matina ti iettu du lettu Pasqualino – Mammaaaaa…ma u papà sempri pa duminica mava dari sti belli notizii Rocco - ma sintemu… aviria esseri io a stare e commidità toi? … comunque, senti giovanotto cecca di non parari assai, sinnunca m’incavulu e ti fazzu annari mi ti cucchi, invece di fare strage di fimmini Pasqualino - Va beni… va beni… dumani mi suggiu prestu… ma ti vulia ‘dumannari ‘na cosa Rocco - Chi voi? Non mi rumpiri a testa Pasqualino – Ti vulia ‘dumannari… siccomu… ‘sta sira è nesciri cu ‘na fimmina…e… siccomu… vulia fari bella figura… insomma ti vulia dumannari… Rocco – Un cunsignuu? Chi soddisfazioni quannu un fignu ti cecca cunsigni supra i fimmini. Sai, Pasqualino, quannu io era fignolo i fimmini mi viniunu darreti, perciò cu megnu di mia ti po cunsignari? Pasqualino - Ma papà.. chi dici? io ti vulia dumannari si mi davi cocchi lira Roccu – Bruttu disgraziatu… possibili chi cecchi sempr soddi? Ceca mi ti ‘ni vai, sinnunca ti dugnu ‘na moffa chi ti fazzu vulari. Ciauri ancora i latti e voi nesciri chi fimmini Pasqualino – Ahiii… papà. Così mi struppii…iai i mani troppu pisanti… ahii…ahiii… |
 Condividi e segnala -
permalink
- Segnala abuso |
|
Condividi e segnala -
permalink
- Segnala abuso |
|
Condividi e segnala -
permalink
- Segnala abuso |
|
Rosina –Cettu chi stu cristianu non avia a’canusciri a Roccu,senno’ non penzu chi ci ciccava u votu!Basta chi unu ci parra du pattitu e subutu Roccu non ragiuna cchiu’e ci ‘nchiana u sangu ‘nta testa!!!
Lucia –Allura,Ma’,cm’annamu?E’ tuttu prontu pi stasera?Mi raccumannu,vogghiu fari bella figura!
Rosina –Nooo!Mu scuddai completamenti chi stasera ni puttavi a’ canusciri u to zitu e a so’ famigghia,ma non ti preoccupari chi è tuttu prontu,avemu sulamenti d’apparicchiari.
Lucia – Ma mamma,comu tu putisti scuddari?Oramai è già ‘na settimana chi parramu sulu i chistu e tu ti scoddi….mannaia la miseria!!
Rosina – Si,me figghia,hai raggiuni…ma sai,comu tunnau i fora,’dda testa paccia di to’ patri…si misi a cuntari un fattu chi ci succidiu e mi fici scuddari tuttu chiddu ch’e fari!
Lucia – Non mi diri nenti…si pigghiaru a bastunati pu pattitu,veru??
Rosina – Vidu chi puru tu u canusci bonu!!
lucia – ma ora unnè? No vidu!
rosina – si ‘nnannau a dommiri comu se mi faria dispettu a mia!!
lucia – eccu,u sapia!!comu tutti i momenti impottanti da me vita,iddu m’a’accriari probemi……comu quannu iò vulia continuari a studiari dopu i scoli elementari…….ma chu tu fa fari d’annari a scola….tantu sì na fimmina e nu scemu chi ti manteni u trovi sempri…..facemu studiari a tò frati chi sav’a fari ‘na posizioni…..è masculu…….praticamenti,me frati rinisciu bestia e a mia mi proibbiu di studiari!!
rosina – hai raggiuni!!ma u sai com’è to patri!!è tantu affezzionatu à famigghia e pi non ti vidiri pattiri pi l’univessità…picchì vulennu fari l’avvucatu,tu avia ‘a pattiri!
lucia – cettu,se non apreru n’univessità stà notti puru a canicattì!!
rosina – na iapreru,sennò avissiru fattu u bandu!!pecciò,comu ti dicia,to patri pi non ti vidiri pattiri,ma chiussai pi non ti fari vidiri chi ci dispiacia,dissi dda fissaria cu studiu sevvi chiù ssai o masculu…ma ora non ci pinzari o passatu…penza o presenti!
Lucia – Allura svigghiulu picchì unnè c’arriva u mè zitu.
Rosina – Fossi è megghiu cu vai a chiamari tu…..,sai ,prima ‘nni sciarriammu un pocu e se ci vaiu iò u sai unni mi manna chiddu!!!
Lucia – Va bbeni….ci vaiu iò…..cu Signori ma manna bona!!
Rosina – Povira figghia,è propriu ‘nnammurata,speriamu chi è un bravu figghiolu e chi si vonnu beni,no chi iò e Roccu non ni vulemu beni ma cetti voti mi fa tanta di dda raggia chi vurria fari na paccia!!
Lucia – tuttu a postu!
Rosina – E comu va….ti dissi subbutusì?
Lucia – Veramenti…prima fici na picca di storii,ma a fini dissi chi ora si vesti e veni.
Rosina – Menu mali….mi stava già preoccupannu
|
Condividi e segnala -
permalink
- Segnala abuso |
|
Condividi e segnala -
permalink
- Segnala abuso |
|
Condividi e segnala -
permalink
- Segnala abuso |
Pasquale rivolgendosi al padre.
Pasquale – Ma tu guarda che cafone. Gli metterei le mani addosso!
Nicola – No! Sono io che dovrei mettere le mani addosso a te. Ti avevo detto che ti dovevi informare sulla famiglia, invece no! Mi dicevi è una brava ragazza, di buona famiglia. Ha i soldi… il padre è un brav’uomo… e invece… in primis; u patri è un comunista ignoranti e cafuni. In secundis; a famigna è propriu terra, terra, ma a cosa chiù gravi è ‘ca fignola non mi pari tantu bona in saluti… si propriu u voi sapiri.
Pasquale – Ma papà, come ti permetti di dire questo?
Nicola – Io mi permetto questo e altro… e poi.. u vidisti come si ‘naca?
Pasquale - è che c’entra questo?
Prasseda interviene
Prasseda – Senti Pasquale, tuo padre non intende offendere ne te, ne la tua ragazza… e… col fatto dell’nca vuole intendere che Lucia, a prima vista, potrebbe dare l’idea di una ragazza poco propenza al matrimonio, alla famiglia, al sacrificio per i figli, alla pacifica convivenza…
Nicola – Prassè tagnamu cuttu e tu… Pasquale… u sai comu si dici a Messina.. “a fimmina chi ‘nnaca l’ancao è buttana o pocu ci manca”
Pasquale – Ma papà, come ti permetti?! Conosco Lucia da un anno e ti posso assicurare che è una bravissima ragazza. Non ti voglio più sentire parlare così, altrimenti faccio uno sproposito
Prasseda – Il problema, secondo il mio modesto parere è che la differenza sociale è troppo evidente. Oggi sembrereste felici, ma domani, questo, potrebbe crearvi problemi, quindi…
Nicola - Insomma… stu matrimonio non si po’ fari. Picchi non si po’ miscari l’oru cu ggnummu. E poi… figuriti si io ti dugnu u me pimmissi mi ti mariti cu sta comunista. A laga di sta genti.
Pasquale – Papò, tu lo sai che ti ho sempre ascoltato, ma questa volta faccio di testa mia. Me la sposo e basta!
Nicola - Pasquali tu fallu chi io ti iettu fora da casa.
Prasseda – Ma dai Nicola, non essere troppo drastico, dopotutto dobbiamo pensare alla felicità di nostro figlio.
Ora, la cosa più importante a cui pensare è fare pace con il padre di Lucia, altrimenti si rischia che non dia il suo consenso al matrimonio
Nicola - Allura io parru e non mi capiti. Chistu a chidda non sa marita e ti ripeu ‘ca me famignia non avi nenti a chi spatturi cu stu comunista e poi… so patri.. chi faria? Ogni vota chi c’è ‘na discussioni, mi isa i manu?
Pasquale – Allura è chistu u problema! Ti scanti di bastunati?
Nicola – Ehii Pasquali… pochi chiacchiri. Dissi no e no resta. e poi… iddu mi daria, ma io ci sapiria renniri
Pasquale – Sempri i bastun si tratta
Nicola - Comu? Chi dicisti?
Pasquale - Nenti… nenti… comunque…
Nicola - Comunque… nenti u dicu io!! Dissi no e no resta!
|
Condividi e segnala -
permalink
- Segnala abuso |
Rocco da destra insieme a Rosina
Rocco - Ancora ka siti??
Pasquale – Ma signor Pignata!!!!
Nicola – Pignata… che cognome!!! Solo per questo… Una Pignata sposata con un Nobile…!!!
Rocco – Nobili si è dintra, caro lei. Si po’ aviri un cognome bellissimu, ma si unu è un disgraziatu e buzzurru…
E’ comu aviri un piattu d’argentu e poi si fannu manciari i pocci
Nicola – Ma che ne puoi sapere tu della nobiltà? Cafone!!
Rocco prende un bastone appoggiato al muro)
Rocco – Ora mi sinniai
Ora ti rumpu a schina, così a finisci di diri fissarii (Lo trattiene Rosina)
Nicola – Ehiii… Ma sei impazzito?!
Prasseda – Ma insomma… un po’ di civiltà. Lei, Pignata, la finisca di Blandire quell’arma preistorica, altrimenti rischia di celebrolesionare mio marito
Rocco – Ma comu parri? Chi non si capisci nenti. Io a to maritu ci rumpu i conna e basta!
Prasseda – Le volevo dire che è meglio se si calmi. Innanzi tutto è bene pensare alla povera Lucia
(Si rivolge verso Rosina) Si è ripresa?
Lucia – Si sta ripignannu povira fignola. Appa essiri l’emozioni. Comunqui, a signora iavi raggiuni, si i fignoli si vonnu bene e si vonnu maritari….
Nicola – (intervenendo prontamente) Ma non ci pensate proprio!!!!!!!
Rocco – Non ci pinsati propriu u dicu io. E tu Rusina, se ‘na finisci di diri fissarii, i conna (agitando il bastone) ti rumpu a tia
Rosina – A mia mi rumpi i conna??? (Sistemandosi davanti al marito con le mani ai fianchi) E videmu, comu mi rumpi, sti conna. Fozza, ‘cà sugnu! ( in atteggiamento di sfida) Videmu comu mi rumpi?
|
Condividi e segnala -
permalink
- Segnala abuso |
Pasqualino – (dal centro) Buonasera a tutti!!
Rocco – Ora semu a postu! Ci mancava sulu chistu pi completari l’opera!
Pasqualino – Ahhhh… vuiautri ata essiri i parenti novi. Lucia si puttau a testa.
(Osserva l’uomo con la testa fasciata)
Ma non avita iessiri di ‘sti patti. Viniti da Rabbia Esaurita veru?
Tu si chinnu chi sava maritari cu me soru, sicuru!
Pasquale – Piacere Pasquale
Pasqualino – Ma ti chiami comu a mia. Allura si di sicuru nu sciupafimmini
Rocco – No! Chistu è nu disgraziatu comu a tia. Comunque ciccamu ma finemu cu sti babbarii e ciccati (rivolto al signor Nobile) mi binnannati da me casa e (rivolto al figlio di questo) tu cecca mi stai luntanu di me figna. Sinnunca, quantu è veru chi sugnu comunista, bi scippu a tutti a testa.
Nicola – Basta! Sono stufo di stare in questa casa!!!!!!
Rocco – Ma cu ti voli??!!
Nicola – Pasquali, Prasseda… fuori a qui, prima che mi comprometta!!!!
Rocco – (Spingendo il Nobile fuori) Ma chi ‘ta compromettiri ‘nimali.Ringrazia u celu chi ti ni stai nannu chi to iammi
Nicola – Andiamocene di qua… andiamocene di qua…
Pasquale, sulla porta educatamente
Pasquale – Buonasera!
Rocco –Buonasera, buonasera… ma ti ‘ni voi annari o no??!!
|
Condividi e segnala -
permalink
- Segnala abuso |
Rocco – Finalmente… ‘na picca i paci… chi famigghia… chi fami gghia… menu mali chi n’acciggemmu subitu.
Pasqualino - Scusate… ma io haiu l’impressioni chi ‘st’incontru non annuu troppu beni
Rosina – Speru chi tu si suddisfattu di chiddu chi facisti… nostra figna è veramente ‘namurata di stu fignolu e tu ci spizzasti u cori.
Rocco – Ci passa… ci passa… quanti storii… nostra figgha ava a spusari un cumpagnu! Un figgholu chi avi ‘ntò cori na bannera russa.
Pasqualno – “Che sempre al vento sventolerà”
Rocco – Bravu figghu mei…. Tu si chi capisci… teni!!! Pigghati ‘sti soddi e divettiti
Pasqualino – Grazie papà! Iò avia tunnatu apposta. Picchi m’aviunu finutu
(Rivolto verso il pubblico) Cetti voti pi fricari un cristianu basta nenti
Rocco – Menu mali chi stu figghu mi dugna, ogni tantu, cocchi soddisfazioni
Rosina – Allura ora chi ti cammasti falla cuntenta a ‘sta figgha mia e falla maritari cu Pasquali
Rocco - O sugnu pacciu iò… o si paccia tu!! Ti dissi chi Lucia si marita c’un cumpagnu e… veramenti haiu già ‘ta testa un bravu fignolu… unu du pattitu… un cettu Pinucciu La Loggia. Chi… cettu… non è u massimu, ma ammenu è un cumpagnu e poi… mugneri mia… comu si dici: “Moglie e buoi dei partiti tuoi”
|
Condividi e segnala -
permalink
- Segnala abuso |
