Iris

Pooesia in lingua napoletana

‘O  babà

Primma ‘e Natale giravano pe’ Napule,

San Giuseppe,‘a Madonna e ‘o Bammeniello,

doppo magnato ‘a cantina pasta ‘e ffasule

cu  quatto cape ‘e sasicce  e cu ‘e friarielle...

se vuttajeno ‘e spicce ‘e spicce dint’‘a na pasticceria

“Peppì, Peppì ‘o ssaje  p’‘o ddoce io jesco ampazzì,

spicialmente p’‘a pasticceria napulitana è na fantasì'

tu piglia chello che buò,io assaggio 'o babà…me fà murì!

Peppì, damme nu sarvietto me stò spurcanno

chistu babà è chin’‘e rumm… stà  scurrenno...

e comm‘è sapurito ‘e ddete me stò alleccanno!”

“Marì Marì che faje ‘a ggente te stà guardanno!”

“Che me ne ‘mporta, 'stu sfizio m’ha ddà passà

sò duimila anne sempe ‘e sstesse ccose...uffà!

Peppì, Peppì  nun veco ‘o Bammeniello addò stà?”

“Marì Marì, stà llà  se stà magnanno  nu babà!”

“Peppì,st’anno ‘e Re Magi...saje che te voglio dì? :

'o posto 'e purtà :"Oro,'ncienzo e birra","‘A mirra...Marì”

‘E facimmo purtà nu paro 'e guantiere ‘e 'sti babà

p’‘a Madonna tutt’‘o Presepio aggia fà cunzulà!

Ciro Borrelli in arte Massenzio Caravita