PRESICCESI NEL MONDO

M'AGGIU SUNNATU

(Da a cummertazione cu lu Ginu)

Diciti puru ca sta fazzu paccatu , ma jeu ve la cuntu lustessu... Pocca! stanotte m'aggiu sunnatu ca jeu era ddavantatu, nenzidemenu cca ,,,, lu Patreternu!

Me ne vò a ngiru pe lu cielu de cquai e de dhai, natu ntra na calassia e l'avatra e tuttuccotu me vene la ula cu ba mmarennu su la Via de lu Latte. Nu lampu nu ncinn'è mancu na stizza, è tuttu quajatu e nunn'è bonu mancu cu faci lu casu. Partu a dasciunu e, rrivatu a le Puddhasce, stoccu a manu daritta e fazzu a chiempu a chiempu cu me zziccu a li capiddhi logni de la Berenice e cusine me fazzu tirare nu picchi de iddha. Ttocca cu me sto ncortu ca pe picchi nu m'aggiu scrasciate l'anche cu le corne de lu Majatu, ma poi la visciu la Vergine, è beddha deveru! Li fazzu la quercia e tiru nnanzi fenca a la Statila, nchianu susu e me mintu a fare l'artalena. Mo ca m'aggiu ncaddhisciatu cu dondulisciu, vò cu me fazzu nu giru cu lu Trainu Ranne, tene na stagna sula pe lu paricchiu, ma de voi nu se vide mancu l'ummara. Poi, nu sapennu cci fare, me ndrizzu versu Siriu e, manu a mmanu ca me vvicinu, visciu na stiddha russiceddha cu tante coculeddhe ca ni girene tornu tornu, menze dumate e menze stutate. Me mprossimu de cchiui e, vardannu bonu, ne visciu una ca tene la menza dumata cileste. Ma varda bbidi Diu! Moi me ricordu, pocca, jeu su sta coculeddha, tante lebbriche rretu, aggiu simmanatu: chiante vestie e ristiani! Quantu chiempu è passatu! Ci sape quantu s'annu fatti ranni li ristiani, ci suntu ncora vii. Me nfilu ntra nu carottu de l'ozonu e bisciu a nnanzi a mie nu talaru ranne tuttu darlampante cu na casciteddha de fierru a mmenzu. Intra nci su do ristiani e unu de issi me vide e dice: - Houston Houston imu vista na cosa ca nu ssapimu cci g'è. Na coccia! M'annu scupertu, menumale ca nu m'annu canusciutu! Ttocca cu sto cchiu ncortu, ma la ula cu bisciu sta "terra" cchiui de vicinu, è mutu ranne. Pocca! moi me lu ricordu, la nnuminai "terra", propiu cusine, cu nu se cunfunne cu lu "celu". Me vinne propiu beddha, però eh! E gira ncora! (continua)